ವಾಷಿಂಗ್ಟನ್: ಟ್ರಂಪ್ ಟ್ವಿಟರ್ ಖಾತೆಯನ್ನು ಶಾಶ್ವತವಾಗಿ ಸ್ಥಗಿತಗೊಳಿಸಿದ ಟ್ವಿಟರ್ ಕ್ರಮವನ್ನು ಭಾರತೀಯ ಸಂಜಾತೆ ರಾಜಕಾರಣಿ ನಿಕ್ಕಿ ಹಾಲೆ, ಟ್ರಂಪ್ ಅವರ ಪುತ್ರ ಡೊನಾಲ್ಡ್ ಟ್ರಂಪ್ ಜ್ಯೂನಿಯರ್ ಸೇರಿದಂತೆ ಹಲವು ರಿಪಬ್ಲಿಕನ್ ನಾಯಕರು ಖಂಡಿಸಿದ್ದು, ‘ಅಮೆರಿಕವು ಚೀನಾವಲ್ಲ’ ಎಂದು ತಿರುಗೇಟು ನೀಡಿದ್ದಾರೆ.
ಇದನ್ನೂ ಓದಿ:ಟ್ರಂಪ್ ಟ್ವಿಟರ್ ಖಾತೆ ಶಾಶ್ವತವಾಗಿ ಅಮಾನತು
‘ಚೀನಾದಲ್ಲಿ ಜನರನ್ನು ನಿಶ್ಶಬ್ದರನ್ನಾಗಿಸುವ ಕ್ರಮಗಳಾಗುತ್ತವೆಯೇ ವಿನಃ ಅಮೆರಿಕದಲ್ಲಿ ಅಲ್ಲ’ ಎಂದು ಹಾಲೆ ಶುಕ್ರವಾರ ಟ್ವೀಟ್ ಮಾಡಿದ್ದಾರೆ.
‘ಇತಿಹಾಸವನ್ನು ಅಳಿಸುವುದರ ಮುಖಾಂತರವಾಗಲಿ ಅಥವಾ ಜನರನ್ನು ನಿಶ್ಶಬ್ದರನ್ನಾಗಿಸುವ ಮುಖಾಂತರ ಯಾರನ್ನೂ ಒಗ್ಗೂಡಿಸಲು ಸಾಧ್ಯವಿಲ್ಲ. ಇಂಥ ಕ್ರಮವು ನಮ್ಮನ್ನು ಮತ್ತಷ್ಟು ವಿಭಜನೆ ಮಾಡುತ್ತದೆ. ಮಾಧ್ಯಮ ಸಂಸ್ಥೆಗಳಂತೆ ಸಾಮಾಜಿಕ ಜಾಲತಾಣ ವೇದಿಕೆಗಳು ವರ್ತಿಸುತ್ತಿವೆ. ನೀವು ಒಪ್ಪಿದರೂ, ಒಪ್ಪದೇ ಇದ್ದರೂ ಅಭಿಪ್ರಾಯ ವ್ಯಕ್ತಪಡಿಸಲು ಸ್ವಾತಂತ್ರ್ಯವಿರಬೇಕು’ ಎಂದು ವಸತಿ ಮತ್ತು ನಗರಾಭಿವೃದ್ಧಿ ಕಾರ್ಯದರ್ಶಿ ಡಾ.ಬೆನ್ ಕಾರ್ಸನ್ ಟ್ವಿಟರ್ ನಡೆಯನ್ನು ಟೀಕಿಸಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.