ಅಮೆರಿಕ: ಗರ್ಭಿಣಿಯರಿಗೆ ವೀಸಾ ನಿರಾಕರಣೆ

ವಾಷಿಂಗ್ಟನ್‌: ‘ಬರ್ತ್‌ ಟೂರಿಸಂ’ ಹೆಸರಿನಲ್ಲಿ ಅಮೆರಿಕಕ್ಕೆ ಭೇಟಿ ನೀಡಲು ಬಯಸುವ ಗರ್ಭಿಣಿಯರಿಗೆ ವೀಸಾ ನೀಡುವುದಕ್ಕೆ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ನಿರ್ಬಂಧ ಹೇರಿದ್ದಾರೆ. ಈ ಮೂಲಕ ವಲಸೆಗೆ ಕಡಿವಾಣ ಹಾಕುವ ನಿಟ್ಟಿನಲ್ಲಿ ಹೊಸ ಹೋರಾಟ ಆರಂಭಿಸಿದ್ದಾರೆ.

ಗರ್ಭಿಣಿಯರಿಗೆ ವೀಸಾ ನಿರಾಕರಣೆ ಶುಕ್ರವಾರದಿಂದಲೇ ಅನ್ವಯವಾಗುವಂತೆ ಜಾರಿಗೆ ಬಂದಿದೆ. ಈ ಕುರಿತು ಹೇಳಿಕೆ ನೀಡಿರುವ ಶ್ವೇತ ಭವನ, ‘ಅಮೆರಿಕ ನೆಲದಲ್ಲಿ ಜನ್ಮನೀಡುವ ಮೂಲಕ ಮಕ್ಕಳಿಗೆ ಸ್ವಯಂ ಮತ್ತು ಶಾಶ್ವತವಾಗಿ ಅಮೆರಿಕದ ಪೌರತ್ವ ಪಡೆಯಲು ಒತ್ತು ನೀಡಿದ್ದರು‘ ಎಂದಿದೆ.

ಅಮೆರಿಕ ಪೌರತ್ವದ ಸಾರ್ವಭೌಮತ್ವವನ್ನು ನಾವು ರಕ್ಷಿಸಬೇಕಿದೆ ಎಂದು ಶ್ವೇತಭವನದ ವಕ್ತಾರ ಸ್ಟೀಫನ್‌ ಗ್ರಿಶಂಹೇಳಿಕೆಯಲ್ಲಿ ತಿಳಿಸಿದ್ದಾರೆ.