ಮೊಡೆರ್ನಾ ತುರ್ತು ಬಳಕೆಗೆ ಡಬ್ಲ್ಯುಎಚ್‌ಒ ಅನುಮೋದನೆ

ಜಿನಿವಾ: ಕೋವಿಡ್‌–19ಗೆ ಮೊಡೆರ್ನಾ ಲಸಿಕೆಯ ತುರ್ತು ಬಳಕೆಗೆ ವಿಶ್ವ ಆರೋಗ್ಯ ಸಂಸ್ಥೆ (ಡಬ್ಲ್ಯುಎಚ್‌ಒ) ಅನುಮೋದನೆ ನೀಡಿದೆ.

ವಿಶ್ವ ಆರೋಗ್ಯ ಸಂಸ್ಥೆ ತುರ್ತು ಬಳಕೆಗೆ ಅನುಮೋದನೆ ನೀಡಿರುವ ಅಸ್ಟ್ರಾಜೆನೆಕಾ, ಫೈಜರ್-ಬಯೋಟೆಕ್ ಮತ್ತು ಜಾನ್ಸನ್ ಅಂಡ್ ಜಾನ್ಸನ್‌ ಲಸಿಕೆಗಳ ಪಟ್ಟಿಗೆ ಅಮೆರಿಕದ ಕಂಪನಿ ತಯಾರಿಸುವ ಎಂಆರ್‌ಎನ್ಎ ಕೋವಿಡ್ ಲಸಿಕೆಯು ಸೇರಿದೆ.

ಚೀನಾದ ಸಿನೋಫಾರ್ಮ್ ಮತ್ತು ಸಿನೋವಾಕ್ ಲಸಿಕೆಗಳಿಗೆ ಮುಂದಿನ ದಿನಗಳಲ್ಲಿ ಇದೇ ರೀತಿಯ ಅನುಮೋದನೆ ನಿರೀಕ್ಷಿಸಬಹುದಾಗಿದೆ ಎಂದು ಡಬ್ಲ್ಯುಎಚ್‌ಒ ತಿಳಿಸಿದೆ.