25 ವರ್ಷಗಳ ಹಿಂದೆ | ಭೀಮಾ ನೀರು ಇಂದು ರಾಜ್ಯಕ್ಕೆ: ಕೃಷ್ಣ

ಬೆಂಗಳೂರು, ಫೆ.14– ಉಜನಿ ಅಣೆಕಟ್ಟೆಯಿಂದ ಮಹಾರಾಷ್ಟ್ರ ಸರ್ಕಾರವು ಬಿಟ್ಟಿರುವ 1.5 ಟಿಎಂಸಿ ನೀರು ನಾಳೆ ಕರ್ನಾಟಕವನ್ನು ತಲುಪಲಿದೆ ಎಂದು ಮುಖ್ಯಮಂತ್ರಿ ಎಸ್‌.ಎಂ.ಕೃಷ್ಣ ಇಲ್ಲಿ ತಿಳಿಸಿದರು.

ತಮ್ಮ ಬೆಳಗಿನ ಸಾರ್ವಜನಿಕ ಭೇಟಿ ಕಾರ್‍ಯಕ್ರಮದ ನಂತರ ವರದಿಗಾರರ ಜತೆಗೆ ಮಾತನಾಡಿದ ಅವರು, ನದಿಯಲ್ಲಿ ನೀರು ನಿಧಾನವಾಗಿ ಬರುತ್ತಿದೆ ಎಂದರು. ಭೀಮಾ ನದಿ ನೀರಿಗೆ ಒತ್ತಾಯಿಸಿ ನಿರಶನ ನಡೆಸುತ್ತಿರುವ ರೈತರೊಂದಿಗೆ ವಿಜಾಪುರ ಜಿಲ್ಲಾ ಉಸ್ತುವಾರಿ ಸಚಿವರಾದ
ಎಸ್‌.ಆರ್‌.ಕಾಶಪ್ಪನವರ್ ಸಂಧಾನ ನಡೆಸುತ್ತಿದ್ದಾರೆ ಎಂದರು.