25 ವರ್ಷಗಳ ಹಿಂದೆ: ವಿವಾದದ ಸಿಂಧಿ ಅಕಾಡೆಮಿಗೆ ಕೃಷ್ಣ ತಡೆ

ವಿವಾದದ ಸಿಂಧಿ ಅಕಾಡೆಮಿಗೆ ಕೃಷ್ಣ ತಡೆ

ಬೆಂಗಳೂರು, ಆ. 28: ಕಳೆದ ತಿಂಗಳ 19ರಂದು ಕರ್ನಾಟಕ ಸಿಂಧಿ ಅಕಾಡೆಮಿ ರಚಿಸಿ ಸರ್ಕಾರ ಹೊರಡಿಸಿದ್ದ ಆದೇಶಕ್ಕೆ ಮುಖ್ಯಮಂತ್ರಿ ಎಸ್.ಎಂ. ಕೃಷ್ಣ ತಡೆ ನೀಡಿದ್ದಾರೆ.

ಕನ್ನಡ ಅಭಿವೃದ್ಧಿ ಪ್ರಾಧಿಕಾರದ ಅಧ್ಯಕ್ಷ ಪ್ರೊ. ಬರಗೂರು ರಾಮಚಂದ್ರಪ್ಪ, ಸಿಂಧಿ ಅಕಾಡೆಮಿ ರಚನೆಗೆ ಆಕ್ಷೇಪಿಸಿ ಪತ್ರ ಬರೆದ ಹಿನ್ನೆಲೆಯಲ್ಲಿ ಮುಖ್ಯಮಂತ್ರಿಗಳು ಈ ಕ್ರಮ ತೆಗೆದುಕೊಂಡಿದ್ದಾರೆ. ಸಿಂಧಿ ಅಕಾಡೆಮಿ ರಚಿಸಿ ರಾಜ್ಯ ಸರ್ಕಾರ ಹೊರಡಿಸಿದ್ದ ಆದೇಶ ವಿವಾದದ ಸುಳಿಯಲ್ಲಿ ಸಿಲುಕಿತ್ತು.

ಟಾಡಾ ಕೈದಿಗಳ ವಿರುದ್ಧ ಎಲ್ಲ ಆರೋಪ ವಾಪಸ್‌

ಬೆಂಗಳೂರು, ಆ. 28: ಮೈಸೂರಿನ ಕಾರಾಗೃಹದಲ್ಲಿ ಇರುವ 51 ಜನ ಟಾಡಾ ಕೈದಿಗಳ ವಿರುದ್ಧದ ಎಲ್ಲ ಭಾರತೀಯ ದಂಡ ಸಂಹಿತೆ ಪ್ರಕರಣಗಳನ್ನು ಕೈಬಿಡಲು ರಾಜ್ಯ ಸರ್ಕಾರ ಇಂದು ತೀರ್ಮಾನ ತೆಗೆದುಕೊಂಡಿದ್ದು, ಅತ್ತ ಮೈಸೂರಿನ ಸೆಷನ್ಸ್‌ ನ್ಯಾಯಾಧೀಶರು ಈ ಆರೋಪಿಗಳನ್ನು ಷರತ್ತಿನ ಮೇಲೆ ಬಿಡುಗಡೆ ಮಾಡಲು ಆದೇಶಿಸಿದ್ದಾರೆ.