75 ವರ್ಷಗಳ ಹಿಂದೆ ಈ ದಿನ: ಬೆಂಗಳೂರು ಗಲೀಜು ಪ್ರದೇಶಗಳನ ಉತ್ತಮಗೊಳಿಸುವುದು ಅಗತ್ಯ

ಗಲೀಜು ಪ್ರದೇಶಗಳನ್ನು ಉತ್ತಮಗೊಳಿಸುವುದು ಅಗತ್ಯ

ಬೆಂಗಳೂರು, ನ. 28– ‘ಸುಮಾರು 1 ಲಕ್ಷ 25 ಸಾವಿರ ಜನರು ವಾಸ ಮಾಡುತ್ತಿರುವ ನಗರದ 36 ಗಲೀಜು ಪ್ರದೇಶಗಳನ್ನು ಚೊಕ್ಕಟಗೊಳಿಸಿ ಉತ್ತಮಪಡಿಸಲು ಕಡೆಯ ಪಕ್ಷ ಪ್ರತಿವರ್ಷವೂ 10 ಲಕ್ಷ ರೂ. ಖರ್ಚು ಮಾಡಬೇಕಾದುದು ಅಗತ್ಯವಾಗಿದೆ. ಕಾರ್ಪೊರೇಷನ್ ಈಗಿರುವ ಚಿಂತಾಜನಕ ಪರಿಸ್ಥಿತಿಗೆ ಗಮನ ಕೊಟ್ಟು ಈ ಕಾರ್ಯ ನಡೆಸುವುದೆಂದು ನಂಬುತ್ತೇನೆ’ ಎಂದು ಮೇಯರ್ ಎನ್‌. ಕೇಶವಯ್ಯಂಗಾರರು ಇಂದು ಬೆಳಿಗ್ಗೆ ಅಲಸೂರು ಕೆರೆಯ ದೀಪವೊಂದರಲ್ಲಿ ನಡೆದ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡುತ್ತಾ ತಿಳಿಸಿದರು.

ತಾವು ಮೇಯರ್‌ ಆಗಿ ಬಂದಂದಿನಿಂದ ಇಲ್ಲಿಯವರೆಗಿನ ಕಾರ್ಪೊರೇಷನ್ ನಡೆಸಿರುವ ಕಾರ್ಯಗಳ ಬಗ್ಗೆ ಮೇಯರ್‌ರವರು ವಿವರವನ್ನಿತ್ತು, ಕೆಲವು ವಿಷಯಗಳ ಬಗ್ಗೆ ವೈಯಕ್ತಿಕವಾಗಿ ಸಲಹೆಗಳನ್ನೂ ಇತ್ತರು.‌