ಪ್ರಜಾವಾಣಿ 50 ವರ್ಷಗಳ ಹಿಂದೆ: ಭಾನುವಾರ 21–02–1971

ಪಳಗಿದ ಪೈಲ್ವಾನ್‌ ಎದುರು ಹೊಸ ಪ್ರಭಾವಶಾಲಿ

ಹೊಸಕೋಟೆ, ಫೆ.20– ಮಲ್ಲೇಶ್ವರದಿಂದ ಮಾಲೂರವರೆಗೆ 30 ಮೈಲಿ ಹರಡಿರುವ ಹೊಸಕೋಟೆ ಲೋಕಸಭೆ ಕ್ಷೇತ್ರದಲ್ಲಿ ಚುನಾವಣೆ ಪ್ರಚಾರದ ಕಾವು ಇನ್ನೂ ಈಗ ತಾನೆ ಏರುತ್ತಿದೆ.

ಈ ಲೋಕಸಭೆ ಕ್ಷೇತ್ರ ಬೆಂಗಳೂರು ನಗರದ ಮಲ್ಲೇಶ್ವರ, ಬೆಂಗಳೂರು ಜಿಲ್ಲೆಯ ವರ್ತೂರು, ಉತ್ತರಹಳ್ಳಿ, ಯಲಹಂಕ, ದೊಡ್ಡಬಳ್ಳಾಪುರ, ದೇವನಹಳ್ಳಿ ಮತ್ತು ಹೊಸಕೋಟೆ, ಕೋಲಾರ ಜಿಲ್ಲೆಯ ಮಾಲೂರು ಈ ಎಂಟು ವಿಧಾನಸಭೆ ಕ್ಷೇತ್ರಗಳನ್ನೊಳಗೊಂಡಿದ್ದು ಯಲಹಂಕ, ದೇವನಹಳ್ಳಿ, ಹೊಸಕೋಟೆ ಮತ್ತು ಮಾಲೂರು ಕ್ಷೇತ್ರಗಳಲ್ಲಿ ಪ್ರಚಾರ ಸಾಕಷ್ಟು ಚುರುಕುಗೊಂಡಿದೆ.