ಶಾಸಕರ ಅನರ್ಹ: ಕಾಯಕನಿಷ್ಠೆ ಕಾಯಲು ತಂತ್ರ

ಸಂವಿಧಾನಬದ್ಧವಾಗಿ ಜನ ತಮಗೆ ನೀಡಿದ ಅಧಿಕಾರವನ್ನು ದುರ್ಬಳಕೆ ಮಾಡಿಕೊಂಡು ಮುಂಬೈ ರೆಸಾರ್ಟಿಗೆ ಹೋಗಿ ಕುಳಿತಿರುವ ಶಾಸಕರದು, ಪ್ರಜಾತಂತ್ರ ವ್ಯವಸ್ಥೆಯನ್ನು ಬುಡಮೇಲು ಮಾಡುವ ನಡೆ. ಇಂತಹ ಸಂದಿಗ್ಧ ಸ್ಥಿತಿಯಲ್ಲಿ, ಸಂವಿಧಾನದ ಉಳಿವಿಗಾಗಿ ಈ ಶಾಸಕರನ್ನು ಅನರ್ಹಗೊಳಿಸಿರುವ ವಿಧಾನಸಭಾಧ್ಯಕ್ಷ ರಮೇಶ್‌ ಕುಮಾರ್ ಅವರ ನಡೆ ಅಭಿನಂದನೀಯ.

ಇಂತಹ ಶಾಸಕರು ತಮ್ಮ ಕಾಯಕನಿಷ್ಠೆ ಬದಲಿಸಿ ‘ಉಪ್ಪು ತಿಂದ ಮನೆಗೆ ದ್ರೋಹ’ ಬಗೆಯುವಂತೆ ಆಗ ಬಾರದೆಂದರೆ, ಯಜಮಾನರು ಎಚ್ಚರಿಕೆಯಿಂದ ಇರ ಬೇಕಾಗುತ್ತದೆ. ಕೆಲವು ರೀತಿ-ನೀತಿಗಳನ್ನು ಬದಲಾಯಿಸಿ ಕೊಳ್ಳಬೇಕಾಗುತ್ತದೆ. ಕೆಲವು ತಂತ್ರಗಳನ್ನು ಅಳವಡಿಸಿಕೊಳ್ಳಬೇಕಾಗುತ್ತದೆ. ದೂರದೃಷ್ಟಿಯ ಚಿಂತನೆಗಳನ್ನು ಆಯ್ಕೆ ಮಾಡಿಕೊಳ್ಳಬೇಕಾಗುತ್ತದೆ. ನಮ್ಮ ಸಂವಿಧಾನವು ನಿರಂತರವಾಗಿ ಹರಿಯುವ ಜೀವಜಲದಷ್ಟೇ ಪವಿತ್ರ ವಾದುದು. ಯಾರಿಂದಲೂ ಯಾವ ಕಾಲಕ್ಕೂ ಎಂತ ಹುದೇ ಪರಿಸ್ಥಿತಿಯಲ್ಲಿಯೂ ಅದರ ದುರ್ಬಳಕೆ ಖಂಡಿತಾ ಸಾಧುವಲ್ಲ.

ಆರ್.ಶೇಷಣ್ಣ ಕುಮಾರ್, ಚಿತ್ರದುರ್ಗ