ಕೆಪಿಎಸ್‌ಸಿ: ಅಪಾರ್ಥಕ್ಕೆ ದಾರಿ

ಕರ್ನಾಟಕ ಲೋಕಸೇವಾ ಆಯೋಗದ (ಕೆಪಿಎಸ್‌ಸಿ) ಸಿಬ್ಬಂದಿಯು ಹಗಲು-ರಾತ್ರಿ ಕೆಲಸ ಮಾಡಿ ಆಯ್ಕೆಪಟ್ಟಿ ಸಿದ್ಧಪಡಿಸಿರುವುದಾಗಿ ಆಯೋಗದ ಕಾರ್ಯದರ್ಶಿ ಹೇಳಿದ್ದಾರೆ (ಪ್ರ.ವಾ., ಏ. 28). ಸಮಸ್ಯೆ ಇರುವುದೇ ಈ ವಿಚಾರದಲ್ಲಿ. ಕೆಪಿಎಸ್‌ಸಿ ರಾತ್ರಿ ವೇಳೆಯಲ್ಲೇ ಹೆಚ್ಚಾಗಿ ಕೆಲಸ ಮಾಡುವ ಅಭ್ಯಾಸ ಇಟ್ಟುಕೊಂಡಿದೆ ಎಂಬುದನ್ನು ಈ ಹಿಂದೆ ಅದರೊಟ್ಟಿಗೆ ತಳಕು ಹಾಕಿಕೊಂಡ ಹಗರಣಗಳು ಸೂಚಿಸುತ್ತವೆ.

ನಿರ್ಬಂಧ ಇರುವ ಈ ವೇಳೆಯಲ್ಲಿ ಹಗಲು ಕೆಲಸ ಮಾಡಿದರೇ ಅನುಮಾನದಿಂದ ನೋಡುವ ಸ್ಥಿತಿ ಇದೆ. ಹೀಗಿರುವಾಗ ರಾತ್ರಿ ಕೆಲಸ ಮಾಡುವುದು ಖಂಡಿತ ಬೇರೆ ಬಗೆಯ ಅರ್ಥಗಳಿಗೆ, ಅಪಾರ್ಥಗಳಿಗೆ ದಾರಿ ಮಾಡಿಕೊಡುತ್ತದೆ.

-ಸುಶಾಂತ ಬನಾರಿ, ಮಾಡ್ನೂರು, ಪುತ್ತೂರು