ಕನಕದಾಸ ಜಯಂತಿ ರದ್ದು ಮಾಡುವಂತೆ ಆಗ್ರಹಿಸಿರುವುದು ಕುರುಬ ಸಮಾಜದ ದೃಢ ನಿರ್ಧಾರ

ಕನಕದಾಸ ಜಯಂತಿ ರದ್ದು ಮಾಡುವಂತೆ ಕುರುಬ ಸಮಾಜ ಆಗ್ರಹಿಸಿರುವುದು (ಪ್ರ.ವಾ., ನ. 9) ಆ ಸಮಾಜದ ದೃಢ ನಿರ್ಧಾರ.

ಬಸವ, ಕನಕ, ವಾಲ್ಮೀಕಿ, ಬುದ್ಧ, ಅಂಬೇಡ್ಕರ್, ಏಸು ಮುಂತಾದವರೆಲ್ಲಾ ಒಂದಲ್ಲಾ ಒಂದು ವಿಧದಲ್ಲಿ ಶ್ರೇಷ್ಠರು. ಇವರೆಲ್ಲರ ಚಿಂತನೆಗಳು ಪ್ರತಿಯೊಬ್ಬರಿಗೂ ಮಾದರಿ. ಇವರ ಜಯಂತಿಗಳನ್ನು ಜಾತಿ ಆಧಾರದ ಮೇಲೆ ಕಾಣುತ್ತಿರುವುದು ನಮ್ಮ ದೊಡ್ಡ ತಪ್ಪು. ರಾಜಕಾರಣಿಗಳು ಇದನ್ನು ತಮ್ಮ ಬೇಳೆ ಬೇಯಿಸಿಕೊಳ್ಳಲು ಬಳಸಿಕೊಳ್ಳುತ್ತಿದ್ದಾರೆ.

ಈ ಜಯಂತಿಗಳನ್ನು ಆಚರಿಸಲು ಆ ಮಹಾನ್ ವ್ಯಕ್ತಿಗಳ ಹೆಸರಿನಲ್ಲಿ ರಜೆ ಘೋಷಣೆ ಮಾಡುವುದು ಸಮಂಜಸವಲ್ಲ. ಸಾಮಾನ್ಯವಾಗಿ ಆಯಾ ಸಮುದಾಯದವರಲ್ಲದೆ ಬೇರೆಯವರು ಆಚರಿಸುವುದಿಲ್ಲ. ಕುರುಬ ‌ಸ‌ಮಾಜದ ಮಾದರಿಯಲ್ಲೇ ಇತರ ಸಮುದಾಯ ದವರೂ ಜಯಂತಿಗಳ ರದ್ದತಿಗೆ ಆಗ್ರಹಿಸಿದರೆ ನಾಡಿಗೆ ಒಳಿತಾಗುತ್ತದೆ.
-ಡಾ. ಮಲ್ಲಿಕಾರ್ಜುನ ಗೋಡಬನಹಾಳ್, ಚಿತ್ರದುರ್ಗ

ಇದನ್ನೂ ಓದಿ:ಕನಕದಾಸ ಜಯಂತಿ ರದ್ದು ಮಾಡಿ: ಕುರುಬ ಸಮಾಜದ ಮುಖಂಡರ ಆಗ್ರಹ