ವಾಚಕರ ವಾಣಿ: ಗೂಗಲ್‌ ಮ್ಯಾಪ್‌: ತಪ್ಪು ಸರಿಪಡಿಸಿ

ಕನಕಪುರ ಸುತ್ತಲಿನ ಕೆಲವು ಹಳ್ಳಿಗಳ ಹೆಸರು ಗೂಗಲ್‌ ಮ್ಯಾಪ್‌ನಲ್ಲಿ ವಿಚಿತ್ರವಾಗಿ ನಮೂದಾಗಿದೆ. ಮ್ಯಾಟಿಕುಂಟೆ, ಗಡ್ಸಾಲಿ, ಮೊರಲ್, ತೇಂಜನಾಮವಾದದೊಡ್ಡಿ... ಹೀಗಿವೆ ಹಳ್ಳಿ ಹೆಸರು. ಇವುಗಳ ಮೂಲ ಹೆಸರು– ಮತ್ತಿಕುಂಟೆ, ಗಡಸಹಳ್ಳಿ, ಮೊರಳೆ, ತೆಂಗಿನಮರದೊಡ್ಡಿ. ಹೆಸರು ಹೀಗೆ ವಿರೂಪವಾಗಲು ಕಾರಣ ಯಾರಾದರೂ ಆಗಿರಲಿ ಅದನ್ನು ಸರಿಪಡಿಸುವುದು ಅಗತ್ಯ. ಇಲ್ಲವಾದಲ್ಲಿ ಮುಂದೊಂದು ದಿನ ಮೂಲ ಹೆಸರು ಮತ್ತು ಅದರ ಅರ್ಥ ಮರೆತುಹೋಗಬಹುದು. ಹೀಗಾಗಿ ತಪ್ಪು ಸರಿಪಡಿಸುವ ಕೆಲಸ ತ್ವರಿತವಾಗಿ ಆಗಬೇಕು.

-ನಾಗರಾಜ್ ಮಾದೇಗೌಡ,ಕನಕಪುರ