ಸ್ಟುವರ್ಟ್ ಬ್ರಾಡ್‌ಗೆ ತಂದೆಯಿಂದ ದಂಡ!
Published 11 ಆಗಸ್ಟ್ 2020, 19:30 IST
ರೆಫರಿ ಕ್ರಿಸ್ ಬ್ರಾಡ್ ಮತ್ತು ಮಗ ಸ್ಟುವರ್ಟ್ ಬ್ರಾಡ್ –ಎಎಫ್‌ಪಿ ಚಿತ್ರ
ದುಬೈ: ಪಾಕಿಸ್ತಾನ ವಿರುದ್ಧದ ಟೆಸ್ಟ್‌ ಪಂದ್ಯದಲ್ಲಿ ಕೆಟ್ಟ ಭಾಷೆ ಬಳಿಸಿದ್ದಕ್ಕಾಗಿ ಇಂಗ್ಲೆಂಡ್‌ ತಂಡದ ವೇಗದ ಬೌಲರ್ ಸ್ಟುವರ್ಟ್ ಬ್ರಾಡ್‌ಗೆ ಅವರ ತಂದೆ ಕ್ರಿಸ್ ಬ್ರಾಡ್ ದಂಡ ವಿಧಿಸಿದ್ದಾರೆ.
ಮ್ಯಾಂಚೆಸ್ಟರ್‌ನಲ್ಲಿ ನಡೆದಿದ್ದ ಪಾಕ್ ವಿರುದ್ಧದ ಮೊದಲ ಟೆಸ್ಟ್‌ ಪಂದ್ಯದಲ್ಲಿ ಕ್ರಿಸ್ ಬ್ರಾಡ್ ಆ ಪಂದ್ಯದ ರೆಫರಿಯಾಗಿದ್ದರು.
ಆ ಪಂದ್ಯದಲ್ಲಿ ಪಾಕಿಸ್ತಾನ ತಂಡವು ಎರಡನೇ ಇನಿಂಗ್ಸ್‌ ಬ್ಯಾಟಿಂಗ್ ಮಾಡುವ ಸಂದರ್ಭದಲ್ಲಿ ಬೌಲಿಂಗ್ ಮಾಡಿದ್ದ ಬ್ರಾಡ್ ಅವರು ಯಾಸೀರ್ ಶಾ ವಿಕೆಟ್ ಗಳಿಸಿದ್ದರು. ಆಗ ಅವಾಚ್ಯ ಪದ ಬಳಸಿದ್ದರು. ಆದ್ದರಿಂದ ಐಸಿಸಿಯ ಆರ್ಟಿಕಲ್ 2.5ರ ಪ್ರಕಾರ ಅವರಿಗೆ ದಂಡ ವಿಧಿಸಲಾಗಿದೆ.
ಫೀಲ್ಡ್‌ ಅಂಪೈರ್‌ಗಳಾದ ರಿಚರ್ಡ್ ಕೆಟಲ್‌ಬರೊ ಮತ್ತು ರಿಚರ್ಡ್ ಇಲ್ಲಿಂಗವರ್ಥ್ ನೀಡಿರುವ ದೂರಿನನ್ವಯ ಕ್ರಮ ಕೈಗೊಳ್ಳಲಾಯಿತು ಎಂದು ಐಸಿಸಿ ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.