Ind vs Eng 4th Test: ಚೇತರಿಸಿಕೊಂಡ ಇಂಗ್ಲೆಂಡ್– ಭೋಜನ ವಿರಾಮಕ್ಕೆ 139/5

ಓವಲ್: ನಾಲ್ಕನೇ ಟೆಸ್ಟ್ ಪಂದ್ಯದ ಎರಡನೇ ದಿನದಾಟದಲ್ಲಿ ಇಂಗ್ಲೆಂಡ್ ತಂಡ ಆರಂಭದಲ್ಲಿ ಕುಸಿದರೂ ಬಳಿಕ ಚೇತರಿಸಿಕೊಂಡು ಉತ್ತಮ ಬ್ಯಾಟಿಂಗ್ ನಡೆಸುತ್ತಿದೆ.

ನಿನ್ನೆ ದಿನದಾಟದಂತ್ಯಕ್ಕೆ 3 ವಿಕೆಟ್ ನಷ್ಟಕ್ಕೆ 53 ರನ್ ಗಳಿಸಿದ್ದ ಇಂಗ್ಲೆಂಡ್ ತಂಡ ಇಂದು ಬಹು ಬೇಗ ಡೇವಿಡ್‌ ಮಲಾನ್ (31) ಮತ್ತು ಕ್ರೇಗ್ ಓವರ್ಟನ್ (1) ವಿಕೆಟ್ ಕಳೆದುಕೊಂಡಿತು.

ಬಳಿಕ, ಒಂದಾದ ಒಲಿ ಪೋಪ್(38 ಬ್ಯಾಟಿಂಗ್) ಮತ್ತು ಜಾನಿ ಬೆಸ್ಟೋ(34 ಬ್ಯಾಟಿಂಗ್) ಭಾರತದ ಬೌಲರ್‌ಗಳು ಮೇಲುಗೈ ಸಾಧಿಸಲು ಅವಕಾಶ ಕೊಡದೆ ಬ್ಯಾಟಿಂಗ್ ಮಾಡುತ್ತಿದ್ದಾರೆ.

ಭೋಜನ ವಿರಾಮಕ್ಕೆ ಇಂಗ್ಲೆಂಡ್ ತಂಡ 5 ವಿಕೆಟ್ ನಷ್ಟಕ್ಕೆ 139 ರನ್ ಗಳಿಸಿ ಇನ್ನೂ 52 ರನ್‌ಗಳ ಹಿನ್ನಡೆಯಲ್ಲಿದೆ.