IPL 2021 | KKR vs PBKS: ಕೆಕೆಆರ್ ವಿರುದ್ಧ ಪಂಜಾಬ್‌ಗೆ ರೋಚಕ ಗೆಲುವು
ಇಂಡಿಯನ್ ಪ್ರೀಮಿಯರ್ ಲೀಗ್‌ನಲ್ಲಿ ಶುಕ್ರವಾರ ನಡೆದ ಪಂದ್ಯದಲ್ಲಿ ಪಂಜಾಬ್ ಕಿಂಗ್ಸ್ ತಂಡವು ಕೋಲ್ಕತ್ತ ನೈಟ್ ರೈಡರ್ಸ್ ವಿರುದ್ಧ ಐದು ವಿಕೆಟ್ ಅಂತರದ ಅರ್ಹ ಗೆಲುವು ದಾಖಲಿಸಿದೆ. ನಾಯಕನ ಆಟವಾಡಿದ ಕೆ.ಎಲ್. ರಾಹುಲ್ ಪಂಜಾಬ್ ಗೆಲುವಿನಲ್ಲಿ ನಿರ್ಣಾಯಕ ಪಾತ್ರ ವಹಿಸಿದರು.
ಅಂಕಪಟ್ಟಿಯಲ್ಲಿ 5ನೇ ಸ್ಥಾನಕ್ಕೇರಿದ ಪಂಜಾಬ್ ಪ್ಲೇ ಆಫ್ ಕನಸು ಜೀವಂತ
ಶಾರೂಕ್ ಖಾನ್ ಸಿಕ್ಸರ್; ಪಂಜಾಬ್ ಗೆಲುವಿನ ರೋಚಕ ಕ್ಷಣ
ಕೋಲ್ಕತ್ತ ವಿರುದ್ಧ ಪಂಜಾಬ್‌ಗೆ ಅರ್ಹ ಗೆಲುವು
ಕನ್ನಡಿಗರಾದ ನಾಯಕ ಕೆ.ಎಲ್. ರಾಹುಲ್ (67) ಹಾಗೂ ಮಯಂಕ್ ಅಗರವಾಲ್ (40) ಸಮಯೋಚಿತ ಬ್ಯಾಟಿಂಗ್ ನೆರವಿನಿಂದ ಪಂಜಾಬ್ ಕಿಂಗ್ಸ್ ತಂಡವು ಶುಕ್ರವಾರ ಕೋಲ್ಕತ್ತ ನೈಟ್ ರೈಡರ್ಸ್ ವಿರುದ್ಧ ನಡೆದ ಐಪಿಎಲ್ ಪಂದ್ಯದಲ್ಲಿ ಐದು ವಿಕೆಟ್ ಅಂತರದ ರೋಚಕ ಗೆಲುವು ದಾಖಲಿಸಿದೆ.
ಈ ಮೂಲಕ ಪ್ಲೇ-ಆಫ್ ಪ್ರವೇಶದ ಕನಸನ್ನು ಜೀವಂತವಾಗಿರಿಸಿದೆ. ಟಾಸ್ ಸೋತು ಮೊದಲು ಬ್ಯಾಟಿಂಗ್‌ಗೆ ಆಹ್ವಾನಿಸಲ್ಪಟ್ಟ ಕೋಲ್ಕತ್ತ, ವೆಂಕಟೇಶ್ ಅಯ್ಯರ್ ಅರ್ಧಶತಕದ (67) ನೆರವಿನಿಂದ ಏಳು ವಿಕೆಟ್ ನಷ್ಟಕ್ಕೆ 165 ರನ್‌ಗಳ ಸವಾಲಿನ ಮೊತ್ತ ಪೇರಿಸಲು ಯಶಸ್ವಿಯಾಯಿತು.
ಬಳಿಕ ನಾಯಕನ ಆಟವಾಡಿದ ರಾಹುಲ್ ಹಾಗೂ ಮಯಂಕ್ ನೆರವಿನಿಂದ ಪಂಜಾಬ್ ತಂಡವು ಇನ್ನು ಮೂರು ಎಸೆತಗಳು ಬಾಕಿ ಉಳಿದಿರುವಂತೆಯೇ ಗುರಿ ತಲುಪಿತು.
ರಾಹುಲ್ ತ್ರಿಪಾಠಿ ಅತ್ಯುತ್ತುಮ ಕ್ಯಾಚ್
ರೋಚಕ ಹಂತದಲ್ಲಿ ಪಂದ್ಯ
ರಾಹುಲ್ ಆಕರ್ಷಕ ಅರ್ಧಶತಕ
15 ಓವರ್ ಅಂತ್ಯಕ್ಕೆ ಪಂಜಾಬ್ ಎರಡು ವಿಕೆಟ್ ನಷ್ಟಕ್ಕೆ 121 ರನ್ ಗಳಿಸಿತ್ತು. ಅಲ್ಲದೆ ಅಂತಿಮ 30 ಎಸೆತಗಳಲ್ಲಿ ತಂಡದ ಗೆಲುವಿಗೆ 45 ರನ್ ಅಗತ್ಯವಿತ್ತು. ನಾಯಕನ ಆಟವಾಡಿದ ರಾಹುಲ್ ಆಕರ್ಷಕ ಅರ್ಧಶತಕ ಗಳಿಸಿ ಕ್ರೀಸಿನಲ್ಲಿದ್ದಾರೆ.
ಪೂರನ್ ಸಿಕ್ಸರ್ ಬಾರಿಸಿದ ಮುಂದಿನ ಎಸೆತದಲ್ಲೇ ಔಟ್ ಮಾಡಿದ ಚಕ್ರವರ್ತಿ
40 ರನ್ ಗಳಿಸಿ ಮಯಂಕ್ ಔಟ್
ರಾಹುಲ್ ಹಾಗೂ ಮಯಂಕ್ ಮೊದಲ ವಿಕೆಟ್‌ಗೆ 70 ರನ್‌ಗಳ ಜೊತೆಯಾಟ ನೀಡಿದರು. ಈ ಸಂದರ್ಭದಲ್ಲಿ 40 ರನ್ ಗಳಿಸಿದ ಮಯಂಕ್ ಔಟಾದರು. 10 ಓವರ್ ಅಂತ್ಯಕ್ಕೆ ಪಂಜಾಬ್ ಒಂದು ವಿಕೆಟ್ ನಷ್ಟಕ್ಕೆ 76 ರನ್ ಗಳಿಸಿತು.
ರಾಹುಲ್-ಮಯಂಕ್ ಉತ್ತಮ ಜೊತೆಯಾಟ
ಗುರಿ ಬೆನ್ನತ್ತಿದ ಪಂಜಾಬ್‌ಗೆ ಆರಂಭಿಕರಾದ ನಾಯಕ ಕೆ.ಎಲ್. ರಾಹುಲ್ ಹಾಗೂ ಮಯಂಕ್ ಅಗರವಾಲ್ ಉತ್ತಮ ಆರಂಭವೊದಗಿಸಿದರು. ಪವರ್ ಪ್ಲೇ ಅಂತ್ಯಕ್ಕೆ ಪಂಜಾಬ್ ವಿಕೆಟ್ ನಷ್ಟವಿಲ್ಲದೆ 46 ರನ್ ಗಳಿಸಿತ್ತು.
ಅಯ್ಯರ್ ಫಿಫ್ಟಿ; ಕೋಲ್ಕತ್ತ 165/7
ಯುವ ಎಡಗೈ ಆರಂಭಿಕ ಬ್ಯಾಟ್ಸ್‌ಮನ್ ವೆಂಕಟೇಶ್ ಅಯ್ಯರ್ ಆಕರ್ಷಕ ಅರ್ಧಶತಕದ (67) ನೆರವಿನಿಂದ ಕೋಲ್ಕತ್ತ ನೈಡ್ ರೈಡರ್ಸ್, ಶುಕ್ರವಾರ ಪಂಜಾಬ್ ಕಿಂಗ್ಸ್ ವಿರುದ್ಧ ನಡೆಯುತ್ತಿರುವ ಐಪಿಎಲ್ ಪಂದ್ಯದಲ್ಲಿ ನಿಗದಿತ 20 ಓವರ್‌ಗಳಲ್ಲಿ ಏಳು ವಿಕೆಟ್ ನಷ್ಟಕ್ಕೆ 165 ರನ್‌ಗಳ ಸ್ಪರ್ಧಾತ್ಮಕ ಮೊತ್ತ ಪೇರಿಸಿದೆ.
ಅಯ್ಯರ್‌ಗೆ ಉತ್ತಮ ಸಾಥ್ ನೀಡಿದ ರಾಹುಲ್ ತ್ರಿಪಾಠಿ 34 ರನ್‌ಗಳ ಕಾಣಿಕೆ ನೀಡಿದರು. ಕೊನೆಯ ಹಂತದಲ್ಲಿ ನಿತೀಶ್ ರಾಣಾ ಕೂಡ 34 ರನ್‌ಗಳ ಉಪಯುಕ್ತ ಕೊಡುಗೆ ನೀಡಿದರು. ಪಂಜಾಬ್ ಪರ ಅರ್ಷ್‌ದೀಪ್ ಸಿಂಗ್ ಮೂರು ಮತ್ತು ರವಿ ಬಿಷ್ಣೋಯಿ ಎರಡು ವಿಕೆಟ್ ಕಬಳಿಸಿ ಮಿಂಚಿದರು.
ಐಪಿಎಲ್‌ನಲ್ಲಿ ಅರಳಿದ ಯುವ ಪ್ರತಿಭೆ
ನಡೆಯಲಿಲ್ಲ ಮಾರ್ಗನ್ ಆಟ
ಅಯ್ಯರ್ ಓಟಕ್ಕೆ ಬಿಷ್ಣೋಯಿ ಕಡಿವಾಣ
34 ರನ್ ಗಳಿಸಿ ತ್ರಿಪಾಠಿ ಔಟ್
39 ಎಸೆತಗಳಲ್ಲಿ ಅರ್ಧಶತಕ ಬಾರಿಸಿದ ಅಯ್ಯರ್
ಅಯ್ಯರ್-ತ್ರಿಪಾಠಿ ಉತ್ತಮ ಆಟ
10 ಓವರ್ ಅಂತ್ಯಕ್ಕೆ ಕೋಲ್ಕತ್ತ ಒಂದು ವಿಕೆಟ್ ನಷ್ಟಕ್ಕೆ 76 ರನ್ ಗಳಿಸಿದೆ. ವೆಂಕಟೇಶ್ ಅಯ್ಯರ್ (44*) ಹಾಗೂ ರಾಹುಲ್ ತ್ರಿಪಾಠಿ (23*) ಕ್ರೀಸಿನಲ್ಲಿದ್ದಾರೆ.
ಅಯ್ಯರ್-ತ್ರಿಪಾಠಿ ಅರ್ಧಶತಕದ ಜೊತೆಯಾಟ
ಆರಂಭಿಕ ಆಘಾತದಿಂದ ಚೇತರಿಸಿದ ಕೋಲ್ಕತ್ತ
ಈ ಹಂತದಲ್ಲಿ ಜೊತೆಗೂಡಿದ ವೆಂಕಟೇಶ್ ಅಯ್ಯರ್ ಹಾಗೂ ರಾಹುಲ್ ತ್ರಿಪಾಠಿ ಆಸರೆಯಾದರು. ಪವರ್ ಪ್ಲೇ ಅಂತ್ಯಕ್ಕೆ ಕೆಕೆಆರ್ ಒಂದು ವಿಕೆಟ್ ನಷ್ಟಕ್ಕೆ 48 ರನ್ ಗಳಿಸಿತ್ತು.
7 ರನ್ ಗಳಿಸಿ ಗಿಲ್ ಔಟ್
ಟಾಸ್ ಝಲಕ್
ಇತ್ತಂಡಗಳಲ್ಲೂ ಗಮನಾರ್ಹ ಬದಲಾವಣೆ
ಕಕೆಆರ್ ಪರ ಟಿಮ್ ಸೀಫರ್ಟ್ ಪದಾರ್ಪಣೆ
ಟಾಸ್ ಗೆದ್ದ ರಾಹುಲ್ ಫೀಲ್ಡಿಂಗ್ ಆಯ್ಕೆ
ಕೋಲ್ಕತ್ತ ನೈಟ್ ರೈಡರ್ಸ್ ವಿರುದ್ಧ ನಡೆಯುತ್ತಿರುವ ಐಪಿಎಲ್ ಪಂದ್ಯದಲ್ಲಿ ಟಾಸ್ ಗೆದ್ದಿರುವ ಪಂಜಾಬ್ ಕಿಂಗ್ಸ್ ತಂಡದ ನಾಯಕ ಕೆಎಲ್ ರಾಹುಲ್ ಮೊದಲು ಫೀಲ್ಡಿಂಗ್ ಆಯ್ದುಕೊಂಡಿದ್ದಾರೆ.
ತಯಾರಿ
ಇತ್ತಂಡಗಳಿಗೂ ಪ್ಲೇ-ಆಫ್ ಗುರಿ
ರಾಹುಲ್ vs ಮಾರ್ಗನ್
ರೋಚಕ ಹಣಾಹಣಿಗೂ ಮುನ್ನ...
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.