ICC New Rules: ಟಿ20 ಕ್ರಿಕೆಟ್‌ಗೆ ಹೊಸ ನಿಯಮಗಳನ್ನು ಪರಿಚಯಿಸಿದ ಐಸಿಸಿ
ಭಾರತ ಕ್ರಿಕೆಟ್ ತಂಡದ ಆಟಗಾರರು
ಪಿಟಿಐ ಚಿತ್ರ
ದುಬೈ: ಅಂತರರಾಷ್ಟ್ರೀಯ ಕ್ರಿಕೆಟ್ ಮಂಡಳಿಯು (ಐಸಿಸಿ), ಓವರ್‌ಗಳು ಕಡಿತಗೊಳ್ಳುವ ಟಿ20 ಪಂದ್ಯಗಳಿಗೆ ಹೊಸದಾಗಿ ಪವರ್‌ಪ್ಲೇ ನಿಯಮಗಳನ್ನು ಪರಿಚಯಿಸಿದೆ.
ಯಾವುದೇ ಪಂದ್ಯದಲ್ಲಿ ಓವರ್‌ಗಳು ಕಡಿತಗೊಂಡರೆ ಅದಕ್ಕೆ ತಕ್ಕಂತೆ ಎಷ್ಟು ಓವರ್ ವರೆಗೆ ಪವರ್‌ಪ್ಲೇ ಜಾರಿಯಲ್ಲಿರಲಿದೆ ಎಂಬುದನ್ನು ಸ್ಪಷ್ಟವಾಗಿ ಉಲ್ಲೇಖಿಸಿದೆ. ಈ ಹೊಸ ನಿಯಮಗಳು ಜುಲೈನಿಂದ ಜಾರಿಗೆ ಬರಲಿವೆ.
ಹೊಸ ನಿಯಮಗಳ ಪ್ರಕಾರ, ಪ್ರತಿ ಇನಿಂಗ್ಸ್‌ 5 ಓವರ್‌ಗಳಿಗೆ ಕಡಿತಗೊಂಡರೆ ಇನ್ನು ಮುಂದೆ 1.3 ಓವರ್ ಪವರ್‌ಪ್ಲೇ ಇರಲಿದೆ. ಅದೇ ರೀತಿ, ಪ್ರತಿ ಇನಿಂಗ್ಸ್‌ 8 ಓವರ್‌ಗಳಿಗೆ ಇಳಿದರೆ, ಕೇವಲ 2.2 ಓವರ್ ಮಾತ್ರವೇ ಪವರ್‌ಪ್ಲೇ ನಡೆಯಲಿದೆ.
ಪವರ್‌ಪ್ಲೇ ವೇಳೆ, ಇಬ್ಬರು ಆಟಗಾರರು ಮಾತ್ರವೇ 30 ಯಾರ್ಡ್‌ ವೃತ್ತದಿಂದ ಹೊರಗೆ ಕ್ಷೇತ್ರರಕ್ಷಣೆ ಮಾಡಬೇಕಾಗುತ್ತದೆ.
ಈ ನಿಯಮಗಳ ಬಗ್ಗೆ ಐಸಿಸಿ ತನ್ನ ವೆಬ್‌ಸೈಟ್‌ನಲ್ಲಿ ವಿವರವಾಗಿ ಹಂಚಿಕೊಂಡಿದೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.