ನನ್ನಿಂದ ಬಟ್ಟೆ ತೊಳೆಸಿದ್ದ ಸಲೀಂ: ವಾಸೀಂ ಆರೋಪ

ಕರಾಚಿ:ಅಂತರರಾಷ್ಟ್ರೀಯ ಕ್ರಿಕೆಟ್‌ಗೆ ಕಾಲಿಟ್ಟ ಆರಂಭದ ದಿನಗಳಲ್ಲಿ ಸಲೀಂ ಮಲಿಕ್ ಅವರು ತನ್ನನ್ನು ಸೇವಕ ನಂತೆ ನಡೆಸಿಕೊಂಡಿದ್ದರು ಎಂದು ಪಾಕಿಸ್ತಾನದ ದಿಗ್ಗಜ ವೇಗಿ ವಾಸೀಂ ಅಕ್ರಂ ಆರೋಪಿಸಿದ್ದಾರೆ.ಈ ವಿಷಯವನ್ನು ವಾಸೀಂ ತಮ್ಮ ಜೀವನಚರಿತ್ರೆ ‘ಸುಲ್ತಾನ್ ಎ ಮೆಮೊಯರ್‘ನಲ್ಲಿ ಉಲ್ಲೇಖಿಸಿದ್ದಾರೆ.

‘ತಂಡದ ಅನುಭವಿ ಆಟಗಾರನಾಗಿದ್ದ ಸಲೀಂ ತನಗೆ ಮಸಾಜ್ ಮಾಡಲು ಒತ್ತಾಯಿಸಿದ್ದರು. ಅಲ್ಲದೆ ಬೂಟು ಮತ್ತು ಬಟ್ಟೆಗಳನ್ನು ತೊಳೆದುಕೊಡುವಂತೆ ಹೇಳುತ್ತಿದ್ದರು’ ಎಂದು 1984ರಲ್ಲಿ ತಂಡಕ್ಕೆ ಪದಾರ್ಪಣೆ ಮಾಡಿದ್ದ ವಾಸೀಂ ಬಹಿರಂಗಪಡಿಸಿದ್ದಾರೆ. ವಾಸೀಂ ಆರೋಪ‌ ಸಲೀಂ ಅಲ್ಲಗಳೆದಿದ್ದಾರೆ. ತಮ್ಮ ಪುಸ್ತಕದ ಪ್ರಚಾರ ಕ್ಕಾಗಿ ಅವರು ಈ ರೀತಿ ಬರೆದುಕೊಂಡಿದ್ದಾರೆ ಎಂದಿದ್ದಾರೆ.