ಕ್ರಿಕೆಟ್ : ವ್ಯೊಮ್ ನಾಯ್ಡು ಅಮೋಘ ದ್ವಿಶತಕ

ಬೆಂಗಳೂರು: ವ್ಯೊಮ್ ನಾಯ್ಡು (283;150ಎ, 4x47) ಅವರ ಅಮೋಘ ದ್ವಿಶತಕದ ನೆರವಿನಿಂದ ವಿದ್ಯಾನಿಕೇತನ ಶಾಲಾ ತಂಡವು ಕೆಎಸ್‌ಸಿಎ ಬಿ.ಟಿ.ಆರ್ 14 ವರ್ಷದೊಳಗಿನವರ ಎರಡನೇ ಡಿವಿಷನ್ ಕ್ರಿಕೆಟ್ ಪಂದ್ಯದಲ್ಲಿ 410 ರನ್‌ಗಳಿಂದ ಕಾರ್ಮೆಲ್ ಶಾಲಾ ತಂಡವನ್ನು ಮಣಿಸಿತು.

ಸರ್ ಎಂ. ವಿಶ್ವೇಶ್ವರಯ್ಯ ಇನ್‌ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ ಮೈದಾನದಲ್ಲಿ ನಡೆದ ಪಂದ್ಯದಲ್ಲಿ ವಿದ್ಯಾನಿಕೇತನ ತಂಡವು ವ್ಯೊಮ್ ಆಟದ ಬಲದಿಂದ 50 ಓವರ್‌ಗಳಲ್ಲಿ 4 ವಿಕೆಟ್‌ಗೆ 504 ರನ್‌ಗಳ ಬೃಹತ್‌
ಮೊತ್ತ ಗಳಿಸಿತು. 

ಗುರಿ ಬೆನ್ನಟ್ಟಿದ ಕಾರ್ಮೆಲ್ ಶಾಲಾ ತಂಡವು 20.5 ಓವರ್‌ಗಳಲ್ಲಿ 94 ರನ್‌ ಗಳಿಸಿ ಹೋರಾಟವನ್ನು ಮುಗಿಸಿತು.