ವಾರ್ನರ್‌ ದಂಪತಿಗೆ ಮೂರನೇ ಮಗು
Published 2 ಜುಲೈ 2019, 19:31 IST
ಮಕ್ಕಳೊಂದಿಗೆ ಡೇವಿಡ್‌ ವಾರ್ನರ್‌ ಪತ್ನಿ ಕ್ಯಾಂಡೈಸ್‌ –ಟ್ವಿಟರ್‌ ಚಿತ್ರ
ಲಂಡನ್‌: ಆಸ್ಟ್ರೇಲಿಯಾ ಕ್ರಿಕೆಟ್‌ ತಂಡದ ಆರಂಭಿಕ ಬ್ಯಾಟ್ಸ್‌ಮನ್‌ ಡೇವಿಡ್‌ ವಾರ್ನರ್‌ ಪತ್ನಿ ಕ್ಯಾಂಡೈಸ್‌ ಅವರು ಸೋಮವಾರ ರಾತ್ರಿ ಮೂರನೇ ಮಗುವಿನ ತಾಯಿಯಾಗಿದ್ದಾರೆ.
‘ನಮ್ಮ ಕುಟುಂಬಕ್ಕೆ ಹೊಸ ಸದಸ್ಯೆಯ ಸೇರ್ಪಡೆಯಾಗಿದೆ. ಕ್ಯಾಂಡೈಸ್‌, ಹೆಣ್ಣು ಮಗುವಿಗೆ ಜನ್ಮ ನೀಡಿದ್ದಾಳೆ. ಆಕೆಗೆ ಇಸ್ಲಾ ರೋಸ್‌ ಎಂದು ಹೆಸರಿಟ್ಟಿದ್ದೇವೆ. ತಾಯಿ ಮತ್ತು ಮಗು ಆರೋಗ್ಯವಾಗಿದ್ದಾರೆ’ ಎಂದು ವಾರ್ನರ್‌ ಇನ್‌ಸ್ಟಾಗ್ರಾಂನಲ್ಲಿ ಬರೆದುಕೊಂಡಿದ್ದಾರೆ.
ವಾರ್ನರ್‌ ದಂಪತಿಗೆ ಈಗಾಗಲೇ ಇಬ್ಬರು ಹೆಣ್ಣು (ಇವಿ ಮೆ ಮತ್ತು ಇಂಡಿ ರೇ) ಮಕ್ಕಳಿದ್ದಾರೆ.
32 ವರ್ಷದ ವಾರ್ನರ್‌, ಈ ಸಲದ ವಿಶ್ವಕಪ್‌ನಲ್ಲಿ ಎಂಟು ಪಂದ್ಯಗಳಿಂದ 516ರನ್‌ ಕಲೆಹಾಕಿದ್ದಾರೆ. ದಕ್ಷಿಣ ಆಫ್ರಿಕಾ ಎದುರಿನ ಅಂತಿಮ ಲೀಗ್‌ ಪಂದ್ಯದಲ್ಲೂ ಆಡಲಿದ್ದಾರೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.