ರೊನಾಲ್ಡೊ ರೀತಿಯಲ್ಲಿ ಕೋಕಾ ಕೋಲಾ ಬಾಟಲಿ ಬದಿಗೆ ಸರಿಸಿದ ವಾರ್ನರ್

ದುಬೈ: ಪೋರ್ಚುಗಲ್‌ನ ಖ್ಯಾತ ಫುಟ್ಬಾಲ್ ಆಟಗಾರ ಕ್ರಿಸ್ಟಿಯಾನೋ ರೊನಾಲ್ಡೊರೀತಿಯಲ್ಲಿ ಸುದ್ದಿಗೋಷ್ಟಿಯಲ್ಲಿ ಆಸ್ಟ್ರೇಲಿಯಾದ ಕ್ರಿಕೆಟಿಗ ಡೇವಿಡ್ ವಾರ್ನರ್ ಕೋಕಾ ಕೋಲಾ ಬಾಟಲಿಯನ್ನು ಬದಿಗೆ ಸರಿಸಿರುವ ಘಟನೆ ನಡೆದಿದೆ.

ಐಸಿಸಿ ಟ್ವೆಂಟಿ-20 ವಿಶ್ವಕಪ್ ಟೂರ್ನಿಯಲ್ಲಿ ಗುರುವಾರ ಶ್ರೀಲಂಕಾ ವಿರುದ್ಧದ ಗೆಲುವಿನ ಬಳಿಕ ಸುದ್ದಿಗೋಷ್ಠಿಯಲ್ಲಿ ವಾರ್ನರ್ ಕೋಕಾ ಕೋಲಾ ಬಾಟಲಿಗಳನ್ನು ಬದಿಗೆ ಸರಿಸಿದರು.

ಇದನ್ನೂ ಓದಿ:T20 WC: ವಿಂಡೀಸ್‌ಗೆ ರೋಚಕ ಗೆಲುವು; ಬಾಂಗ್ಲಾಕ್ಕೆ ಹ್ಯಾಟ್ರಿಕ್ ಸೋಲು

ಸುದ್ದಿಗೋಷ್ಠಿಗೆ ಬಂದ ವಾರ್ನರ್, ಟೇಬಲ್ ಮೇಲೆ ಬಾಟಲಿಗಳನ್ನು ಇರಿಸಿರುವುದನ್ನು ಗಮನಿಸಿ, 'ನಾನಿದನ್ನು ತಗೆಯಬಹುದೇ' ಎಂದು ತಮಾಷೆಗಾಗಿ ಕೇಳಿದ್ದಾರೆ.

'ಇದು ಕ್ರಿಸ್ಟಿಯಾನೋ ರೊನಾಲ್ಡೊಗೆ ಒಳ್ಳೆಯದು ಎಂದಾದರೆ ನನಗೂ ಕೂಡಾ ಒಳ್ಳೆಯದೇ' ಎಂದು ನಗು ಮುಖದಿಂದಲೇ ಹೇಳಿದ್ದಾರೆ.

ಈ ಹಿಂದೆ ಯುರೋ ಕಪ್ ವೇಳೆಯಲ್ಲಿ ಸುದ್ದಿಗೋಷ್ಠಿಯಲ್ಲಿ ಕೋಕಾ ಕೋಲಾ ಬಾಟಲಿಗಳನ್ನು ಬದಿಗಿರಿಸಿದ್ದ ರೊನಾಲ್ಡೊ, ನೀರಿನ ಬಾಟಲಿ ಎತ್ತಿಕೊಂಡು ನೀರು ಕುಡಿಯಿರಿ ಆರೋಗ್ಯವಾಗಿರಿ ಎಂದು ಸೂಚನೆ ಕೊಟ್ಟಿದ್ದರು. ಇದರಿಂದ ತಂಪು ಪಾನೀಯದ ಬ್ರ್ಯಾಂಡ್‌ಗೆ ಹೊಡೆತ ಉಂಟಾಗಿತ್ತು.