ಲಂಡನ್: ಆಸ್ಟ್ರೇಲಿಯಾ ವಿರುದ್ಧ ಮೊದಲು ಬ್ಯಾಟಿಂಗ್ ಮಾಡಿದ ಭಾರತ ಸವಾಲಿನ ಮೊತ್ತ ದಾಖಲಿಸಿತು. ಐದನೇ ಕ್ರಮಾಂಕದಲ್ಲಿ ಕಣಕ್ಕಿಳಿದ ಮಹೇಂದ್ರ ಸಿಂಗ್ ಧೋನಿ ಭರ್ಜರಿ ಆಟ ಪ್ರದರ್ಶಿಸಿದರು. ಧೋನಿ ಸಿಡಿಸಿದ ಸಿಕ್ಸರ್ ಕಂಡ ತಂಡದ ನಾಯಕ ವಿರಾಟ್ ಕೊಹ್ಲಿ ಕಣ್ಣು, ಬಾಯಿ ಅರಳಿಸಿ ನೋಡುತ್ತಾ ನಿಂತರು.
ಧೋನಿ ಹೊಡೆತಕ್ಕೆ ಕೊಹ್ಲಿ ನೀಡಿರುವ ಈ ಪ್ರತಿಕ್ರಿಯೆ ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗಿದೆ.
49ನೇ ಓವರ್ನಲ್ಲಿ ಧೋನಿ ಮತ್ತು ಕೊಹ್ಲಿ ಕಣದಲ್ಲಿದ್ದರು. ಕಾಂಗರೂ ಪಡೆಯ ಮಿಷೆಲ್ ಸ್ಟಾರ್ಕ್ ಹಾಕಿದ ಎಸೆತಕ್ಕೆ ಧೋನಿ ಸಿಡಿಸಿದ ಬೃಹತ್ ಸಿಕ್ಸರ್ ಕೆಲ ಕ್ಷಣ ಕೊಹ್ಲಿ ದಂಗಾಗುವಂತೆ ಮಾಡಿತು. ಗಂಟೆಗೆ 143 ಕಿ.ಮೀ. ವೇಗದಲ್ಲಿ ಸ್ಟಾರ್ಕ್ ಚೆಂಡು ಎಸೆಯುತ್ತಿದ್ದಂತೆ ಕ್ರೀಸ್ ಬಿಟ್ಟಿದ್ದ ಕೊಹ್ಲಿ, ಧೋನಿ ರನ್ ಓಡುತ್ತಾರೆ ಎಂದು ಭಾವಿಸಿದಂತಿತ್ತು. ಆದರೆ, ಧೋನಿ ಚೆಂಡನ್ನು ಬೌಂಡರಿ ಗೆರೆ ದಾಟಿಸಿದ್ದರು.
ಇನ್ನಷ್ಟು ಓದಿ
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.