ಸ್ಯಾಫ್‌ 17 ವರ್ಷದೊಳಗಿನವರ ಫುಟ್‌ಬಾಲ್‌ ಚಾಂಪಿಯನ್‌ಷಿಪ್‌: ಭಾರತಕ್ಕೆ ಕಿರೀಟ

ಕೊಲಂಬೊ: ಭಾರತ ತಂಡವು ಶನಿವಾರ ಪೆನಾಲ್ಟಿ ಶೂಟೌಟ್‌ನಲ್ಲಿ 4–1ರಿಂದ ಬಾಂಗ್ಲಾದೇಶ ತಂಡವನ್ನು ಮಣಿಸಿ, ಏಳನೇ ಬಾರಿಗೆ ಸ್ಯಾಫ್‌ 17 ವರ್ಷದೊಳಗಿನವರ ಫುಟ್‌ಬಾಲ್‌ ಚಾಂಪಿಯನ್‌ಷಿಪ್‌ ಪ್ರಶಸ್ತಿ ಗೆದ್ದುಕೊಂಡಿತು.

ತೀವ್ರ ಪೈಪೋಟಿಯಿಂದ ಕೂಡಿದ್ದ ಫೈನಲ್‌ ಪಂದ್ಯದಲ್ಲಿ ಉಭಯ ತಂಡಗಳು ನಿಗದಿತ ಅವಧಿಯಲ್ಲಿ 2–2 ಸಮಬಲ ಸಾಧಿಸಿದ್ದವು.

ಪೆನಾಲ್ಟಿ ಶೂಟೌಟ್‌ನಲ್ಲಿ ಭಾರತದ ದಲ್ಲಾಲ್‌ಮುವಾನ್‌ ಗಾಂಗ್ಟೆ, ಕೊರೂ ಮೈತೇಯಿ ಕೊಂಥೌಜಂ, ಇಂದ್ರ ರಾಣಾ ಮಗರ್‌ ಹಾಗೂ ಶುಭಂ ಪೂನಿಯಾ ಅವರು ಚೆಂಡನ್ನು ಗುರಿತಲುಪಿಸಿದರು.