ಹ್ಯಾಂಡ್‌ಬಾಲ್‌: ಭಾರತಕ್ಕೆ ಮಣಿದ ಇಂಡೊನೇಷ್ಯಾ

ಜಕಾರ್ತ: ಭಾರತದ ಪುರುಷರ ಹ್ಯಾಂಡ್‌ಬಾಲ್‌ ತಂಡವು ತನ್ನ ಕೊನೆಯ ಪಂದ್ಯದಲ್ಲಿ ಇಂಡೊನೇಷ್ಯಾ ತಂಡವನ್ನು ಮಣಿಸಿತು.

ಬುಧವಾರ ನಡೆದ ಮೂರನೇ ಗುಂಪಿನ ಹಣಾಹಣಿಯಲ್ಲಿ ಭಾರತ, 37–22 ಪಾಯಿಂಟ್ಸ್‌ಗಳಿಂದ ಇಂಡೊನೇಷ್ಯಾ ತಂಡದ ಎದುರು ಜಯಿಸಿತು. ಇದರೊಂದಿಗೆ ಕ್ರೀಡಾಕೂಟದಲ್ಲಿ ಭಾರತ ತಂಡದ ಹೋರಾಟ ಅಂತ್ಯಗೊಂಡಿದೆ.

ತನ್ನ ಮೊದಲ ಮತ್ತು ಎರಡನೇ ‍ಪಂದ್ಯಗಳಲ್ಲಿ ಭಾರತ ಕ್ರಮವಾಗಿ ಮಲೇಷ್ಯಾ ಹಾಗೂ ಪಾಕಿಸ್ತಾನ ತಂಡಗಳನ್ನು ಸೋಲಿಸಿತ್ತು. ಮೂರನೇ ಪಂದ್ಯದಲ್ಲಿ ಚೀನಾ ತೈಪೆ ಎದುರು ಸೋತಿತ್ತು.

ಭಾರತದ ಮಹಿಳೆಯರ ತಂಡವು 9ನೇ ಸ್ಥಾನ ಗಳಿಸಿದೆ. ಅದು ತನ್ನ ಕೊನೆಯ ಪಂದ್ಯದಲ್ಲಿ ಮಲೇಷ್ಯಾ ಎದುರು ಗೆದ್ದಿತ್ತು.