ಕೆಲ ಕುದುರೆಗಳಿಗೆ ಗ್ಲ್ಯಾಂಡರ್ಸ್‌: ಈ ವಾರದ ಬೆಂಗಳೂರು ರೇಸ್‌ ರದ್ದು

ಬೆಂಗಳೂರು: ಕೆಲ ಕುದುರೆಗಳಿಗೆ ‘ಗ್ಲ್ಯಾಂಡರ್ಸ್‌’ ರೋಗದ ಸೋಂಕು ಕಾಣಿಸಿಕೊಂಡ ಕಾರಣ, ಇದೇ ಗುರುವಾರ ಮತ್ತು ಶುಕ್ರವಾರ (ಡಿ.11 ಮತ್ತು 12) ಏರ್ಪಡಿಸಿದ್ದ ಬೆಂಗಳೂರು ರೇಸ್‌ ಅನ್ನು ರದ್ದುಪಡಿಸಲಾಗಿದೆ.

ಶುಕ್ರವಾರ ನಡೆಯಬೇಕಿದ್ದ ‘ಜವಾರೆ ಎಸ್‌. ಪೂನಾವಾಲ ಬೆಂಗಳೂರು 2000 ಗಿನ್ನೀಸ್‌’ ಅನ್ನು ಮುಂದಿನ ದಿನಗಳಲ್ಲಿ ಆಯೋಜಿಸಲಾಗುವುದು ಎಂದು ಬೆಂಗಳೂರು ಟರ್ಫ್‌ ಕ್ಲಬ್‌ (ಬಿಟಿಸಿ) ತಿಳಿಸಿದೆ. ಗ್ಲ್ಯಾಂಡರ್ಸ್‌ ಸೋಂಕು ತಡೆಗಟ್ಟಲು, ಬಿಟಿಸಿಯಿಂದ ಹೊರಹೋಗುವ ಮತ್ತು ಒಳಬರುವ ಕುದುರೆಗಳ ಓಡಾಟವನ್ನು ಮುಂದಿನ ಆದೇಶದವರೆಗೂ ಸ್ಥಗಿತಗೊಳಿಸಲಾಗಿದೆ ಎಂದು ಮೂಲಗಳು ತಿಳಿಸಿವೆ.