ಚೆಸ್‌ ರ‍್ಯಾಂಕಿಂಗ್‌: ಕೊನೆರು ಹಂಪಿಗೆ ಎರಡನೇ ಸ್ಥಾನ
Published 1 ಮಾರ್ಚ್ 2020, 19:49 IST
ಕೊನೆರು ಹಂಪಿ
ಚೆನ್ನೈ: ಭಾರತದ ಗ್ರ್ಯಾಂಡ್‌ಮಾಸ್ಟರ್‌ ಕೊನೆರು ವಿಶ್ವ ಚೆಸ್‌ ರ‍್ಯಾಂಕಿಂಗ್‌ನಲ್ಲಿ ಎರಡನೇ ಸ್ಥಾನಕ್ಕೇರಿದ್ದಾರೆ. ಹಾಲಿ ವಿಶ್ವ ಚಾಂಪಿಯನ್‌ ಚೀನಾದ ಜು ವೆಂಜುನ್‌ ಅವರನ್ನು ಹಂಪಿ ಹಿಂದಿಕ್ಕಿದ್ದಾರೆ.
ವಿಶ್ವ ರ‍್ಯಾಪಿಡ್‌ ವಿಭಾಗದ ಚಾಂಪಿಯನ್‌ ಹಂಪಿ ಅವರು ಇತ್ತೀಚೆಗೆ ಅಮೆರಿಕದಲ್ಲಿ ನಡೆದ ಕೈರನ್ಸ್ ಕಪ್‌ ಟೂರ್ನಿಯಲ್ಲಿ ಪ್ರಶಸ್ತಿ ಜಯಿಸಿದ್ದರು.
ಈ ಟೂರ್ನಿಯಲ್ಲಿ ವೆಂಜುನ್‌ ಕೂಡ ಇದ್ದರು.
ಮಾರ್ಚ್ ತಿಂಗಳ ಫಿಡೆ ರ‍್ಯಾಂಕಿಂಗ್‌ ಆಧಾರದಲ್ಲಿ ಹಂಪಿ ಅವರು ಚೀನಾದ ಯಿಫಾನ್‌ ಹು ಅವರಿಗಿಂತ ಹಿಂದಿದ್ದಾರೆ.
ಸತತ ಮೂರು ಪ್ರಮುಖ ಟೂರ್ನಿಗಳಲ್ಲಿ ಗೆಲುವು ಅಥವಾ ಮೊದಲ ಸ್ಥಾನ ಪಡೆದ ಹಿನ್ನೆಲೆಯಲ್ಲಿ ಅವರು 2586 ಇಎಲ್‌ಒ ಪಾಯಿಂಟ್ಸ್ ಗಳಿಸಿದ್ದಾರೆ. ಯಿಫಾನ್‌ 2658 ಪಾಯಿಂಟ್ಸ್ ಗಳಿಸಿದ್ದಾರೆ.
ಗ್ರ್ಯಾಂಡ್‌ ಮಾಸ್ಟರ್‌ ಹರಿಕಾ ದ್ರೋಣವಳ್ಳಿ ಒಂಬತ್ತನೇ ಸ್ಥಾನದಲ್ಲಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.