ನವದೆಹಲಿ: ಲಾಕ್ಡೌನ್ ಕಾರಣ ಗಾಲ್ಫ್ ಕೋರ್ಸ್ಗಳಿಂದ ದೂರ ಉಳಿದಿದ್ದ ಭಾರತದ ಪ್ರಮುಖ ಗಾಲ್ಫರ್ಗಳು ಗುರುವಾರ ಅಭ್ಯಾಸ ಆರಂಭಿಸಿದ್ದಾರೆ.
ಶಿವ ಕಪೂರ್ ಅವರು ತಮ್ಮ ಸ್ನೇಹಿತ ಗೌರವ್ ಘೆಯಿ ಜೊತೆ ದೆಹಲಿ ಗಾಲ್ಫ್ ಕ್ಲಬ್ನಲ್ಲಿ ಕ್ಯಾಡಿಗಳಿಲ್ಲದೇ ಅಭ್ಯಾಸ ನಡೆಸಿದರು.
ಮುಖಗವಸು ಧರಿಸಿದ್ದ ಇಬ್ಬರೂ, ಕೈಕುಲುಕುವ ಗೋಜಿಗೆ ಹೋಗಲಿಲ್ಲ.
ಮತ್ತೊಬ್ಬ ಗಾಲ್ಫರ್ ಜೀವ್ ಮಿಲ್ಖಾ ಸಿಂಗ್ ಅವರು ಉತ್ತಮ್ ಸಿಂಗ್ ಮುಂಡೆ, ಗುರ್ಬಾಜ್ ಮಾನ್, ಅಜಿತೇಶ್ ಸಂಧು ಅವರೊಂದಿಗೆ ಚಂಡೀಗಡ ಗಾಲ್ಫ್ ಕ್ಲಬ್ನಲ್ಲಿ ತಾಲೀಮು ನಡೆಸಿದರು. ಜೀವ್ ಅವರ ಕೋಚ್ ಅಮರಿಂದರ್ ಸಿಂಗ್ ಕೂಡ ಜೊತೆಗಿದ್ದರು.
ಶುಭಾಂಕರ್ ಶರ್ಮಾ, ಕರಣ್ದೀಪ್ ಕೊಚ್ಚಾರ್, ರೋಹನ್ ಖಾತುರಿಯಾ ಅವರೂ ಹೊಸ ನಿಯಮಾವಳಿಗಳ ಅನುಸಾರ ಅಭ್ಯಾಸ ಮಾಡಿದರು.
‘ಎರಡು ತಿಂಗಳ ಬಳಿಕ ಅಭ್ಯಾಸ ನಡೆಸಿದ್ದು ಖುಷಿ ನೀಡಿದೆ. ಗಾಲ್ಫ್ ಕ್ಲಬ್ ಪ್ರವೇಶಿಸುವ ಮುನ್ನ ಥರ್ಮಲ್ ಸ್ಕ್ರೀನಿಂಗ್ಗೆ ಒಳಗಾಗಿದ್ದೆವು. ಅಂತರ ಕಾಪಾಡಿಕೊಂಡು ಅಭ್ಯಾಸ ನಡೆಸಿದೆವು. ನನ್ನ ತಂದೆ ಮಿಲ್ಖಾ ಸಿಂಗ್ ಅವರು ಅಭ್ಯಾಸಕ್ಕೆ ಬರಲಿಲ್ಲ. ಅವರ ಅನುಪಸ್ಥಿತಿ ಕಾಡಿತು’ ಎಂದು 48 ವರ್ಷ ವಯಸ್ಸಿನ ಜೀವ್ ತಿಳಿಸಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.