ಬಾಕ್ಸಿಂಗ್‌: ಬೆಂಗಳೂರಿನ ಸಹೋದರಿಯರ ಚಿನ್ನದ ಸಾಧನೆ

ಬೆಂಗಳೂರು: ಬೆಂಗಳೂರಿನ ಸಹೋದರಿಯರಾದ ಅಮೂಲ್ಯ ಮತ್ತು ಅನನ್ಯಾ ಅವರು ಖೇಲೊ ಇಂಡಿಯಾ ಆರ್‌ಇಸಿ ಸೌದರ್ನ್ ಟ್ಯಾಲೆಂಟ್ ಹಂಟ್ ಓಪನ್ ಬಾಕ್ಸಿಂಗ್ ಚಾಂಪಿಯನ್‌ಷಿಪ್‌ನಲ್ಲಿ ಚಿನ್ನದ ಪದಕ ಗೆದ್ದಿದ್ದಾರೆ.

ಯೂತ್‌ ವಿಮೆನ್‌ ವಿಭಾಗದಲ್ಲಿ ಅಮೂಲ್ಯ (70 ಕೆಜಿ) ಮತ್ತು ಸಬ್‌ ಜೂನಿಯರ್‌ ಬಾಲಕಿಯರ ವಿಭಾಗದಲ್ಲಿ ಅನನ್ಯಾ (58ರಿಂದ 61 ಕೆಜಿ) ಚಿನ್ನದ ಸಾಧನೆ ಮಾಡಿದ್ದಾರೆ. ವಿದ್ಯಾನಗರದ ಜಯಪ್ರಕಾಶ ನಾರಾಯಣ ಯುವ ಕೇಂದ್ರದಲ್ಲಿ ತರಬೇತಿ ಪಡೆಯುತ್ತಿರುವ ಅವರಿಗೆ ಕ್ಯಾಪ್ಟನ್ ಚಂದ್ರಶೇಖರ್ ಮಾರ್ಗದರ್ಶನ ನೀಡುತ್ತಿದ್ದಾರೆ.