ಮನ್‌ಪ್ರೀತ್‌ಗೆ ಎಫ್‌ಐಎಚ್‌ ಪ್ರಶಸ್ತಿ

ಲಾಸೆನ್: ಭಾರತ ಹಾಕಿ ತಂಡದ ನಾಯಕ ಮನ್‌ಪ್ರೀತ್ ಸಿಂಗ್ ಅವರು ಎಫ್‌ಐಎಚ್‌ ವರ್ಷದ ಆಟಗಾರ ಪ್ರಶಸ್ತಿ ಗಳಿಸಿದ್ದಾರೆ. ಈ ಗೌರವಕ್ಕೆ ಪಾತ್ರರಾದ ಭಾರತದ ಮೊದಲ ಆಟಗಾರನಾಗಿದ್ದಾರೆ.

ಅಂತರರಾಷ್ಟ್ರೀಯ ಹಾಕಿ ಫೆಡರೇಷನ್ 1999ರಿಂದ ಈ ಪ್ರಶಸ್ತಿಗಳನ್ನು ನೀಡುತ್ತಿದೆ. ಆಗಿನಿಂದಲೂ ಭಾರತ ಪುರುಷರ ತಂಡದ ಯಾವುದೇ ಆಟಗಾರನಿಗೂ ಲಭಿಸಿರಲಿಲ್ಲ.

ಭಾರತದ ಯುವ ಮಿಡ್‌ಫೀಲ್ಡರ್ ವಿವೇಕ್ ಸಾಗರ್‌ ಸಾದ್ ಮತ್ತು ಮಹಿಳಾ ತಂಡದ ಸ್ಟ್ರೈಕರ್ ಲಾಲ್‌ರೆಮಿಸಿಯಾಮಿ ಉದಯೋನ್ಮುಖ ತಾರೆ ಗೌರವ ಗಳಿಸಿದ್ದಾರೆ.

ಮನ್‌ಪ್ರೀತ್ ಎರಡು ಒಲಿಂಪಿಕ್ಸ್‌ಗಳಲ್ಲಿ ಭಾರತ ತಂಡವನ್ನು ಪ್ರತಿನಿಧಿಸಿದ್ದಾರೆ. ಮುಂಬರುವ ಟೊಕಿಯೊ ಒಲಿಂಪಿಕ್ಸ್‌ನಲ್ಲಿ ಅವರೇ ತಂಡವನ್ನು ಮುನ್ನಡೆಸುವುದು ಬಹುತೇಕ ಖಚಿತವಾಗಿದೆ.