ವಿಶ್ಚಕಪ್ ಅರ್ಹತಾ ಪಂದ್ಯಕ್ಕೆ ಲಯೊನೆಲ್‌ ಮೆಸ್ಸಿ ಅಲಭ್ಯ

ಮಾಂಟೆವಿಡಿಯೊ: ಲಯೊನೆಲ್‌ ಮೆಸ್ಸಿ ಅವರು ತೊಡೆಸಂದು ನೋವಿನಿಂದಾಗಿ ಬಳಲುತ್ತಿರುವ ಕಾರಣ ಅರ್ಜೆಂಟೀನಾ ತಂಡವು, ಶುಕ್ರವಾರ ಉರುಗ್ವೆ ವಿರುದ್ದ ನಡೆಯಲಿರುವ ವಿಶ್ವಕಪ್ ಅರ್ಹತಾ ಸುತ್ತಿನ ಪಂದ್ಯವನ್ನು ಅವರಿಲ್ಲದೇ ಆಡಬೇಕಾಗಿದೆ.

ಕಳೆದ ವಾರದ ಕೊನೆಯಲ್ಲಿ ಅವರು ಇಂಟರ್ ‌ಮಿಯಾಮಿ ಪರ, ಅಟ್ಲಾಂಟ ವಿರುದ್ಧ ಪಂದ್ಯದಲ್ಲಿ ಆಡುವಾಗ ತೊಡೆಸಂದು ನೋವಿಗೆ ಒಳಗಾಗಿದ್ದರು ಎಂದು ಅವರ ಕ್ಲಬ್ ಸೋಮವಾರ ತಿಳಿಸಿದೆ.ಎರಡು ಪಂದ್ಯಗಳಿಗೆ ಅರ್ಜೆಂಟೀನಾ ತಂಡವನ್ನು ಸೋಮವಾರ ಪ್ರಕಟಿಸಲಾಗಿದೆ.

ಈ ಪಂದ್ಯದ ನಂತರ, ಮಾರ್ಚ್ 25ರಂದು ಬ್ರೆಜಿಲ್ ವಿರುದ್ಧದ ಪಂದ್ಯವನ್ನೂ ಅವರು ಕಳೆದುಕೊಳ್ಳಲಿದ್ದಾರೆ.