ಸಿಸಿಐ ಬಿಲಿಯಡ್ಸ್‌: ಪಂಕಜ್‌ಗೆ ಸತತ ಮೂರನೇ ಸಲ ಪ್ರಶಸ್ತಿ

ಮುಂಬೈ: ನಿಧಾನಗತಿಯ ಆರಂಭದ ನಂತರ ಲಯ ಕಂಡುಕೊಂಡ ಅನುಭವಿ ಪಂಕಜ್‌ ಅಡ್ವಾಣಿ ಅವರು ಧ್ರುವ್‌ ಸಿತ್ವಾಲಾ ಅವರನ್ನು 5–2 ರಿಂದ ಸೋಲಿಸಿ ಸಿಸಿಐ ಬಿಲಿಯರ್ಡ್ಸ್‌ ಕ್ಲಾಸಿಕ್‌ ಪ್ರಶಸ್ತಿಯನ್ನು ಗೆದ್ದುಕೊಂಡರು. ಈ ಪ್ರಶಸ್ತಿಯನ್ನು ಅವರು ಸತತ ಮೂರನೇ ಬಾರಿ ಗೆದ್ದುಕೊಂಡಂತೆ ಆಗಿದೆ.

ಭಾನುವಾರ ತಡರಾತ್ರಿ ನಡೆದ ಫೈನಲ್‌ನ ಮೊದಲ ಮೂರು ಫ್ರೇಮ್‌ಗಳಲ್ಲಿ ಪಂಕಜ್ ತಮ್ಮ ಎಂದಿನ ರೀತಿಯ ಆಟ ಕಂಡುಕೊಳ್ಳಲು ಪರದಾಡಿದರು. ಆದರೆ ನಂತರ ಹೊಂದಿಕೊಂಡು ಮೇಲುಗೈ ಸಾಧಿಸಿದರು.

ಪಂಕಜ್‌ ಅಂತಿಮವಾಗಿ ಫೈನಲ್‌ ಪಂದ್ಯವನ್ನು 10–150 (69,51), 150 (82)–148 (95), 81–150 (85), 150 (76, 48)–96 (46, 42), 150 (145)–136 (136), 150 (84)–147 (63, 35), 150 (69, 42)– 137 (48, 36) ರಲ್ಲಿ ಗೆದ್ದರು.