ಅಕಪಲ್ಕೊ, ಮೆಕ್ಸಿಕೊ: ವಿಶ್ವದ ಎರಡನೇ ರ್ಯಾಂಕಿನ ಆಟಗಾರ ರಫೆಲ್ ನಡಾಲ್ ಅಬಿಯರ್ಟೊ ಮೆಕ್ಸಿಕಾನೊ ಟೆಲ್ಸೆಲ್ ಪ್ರಸೆಂಟಾಡೊ ಪೊರ್ ಎಚ್ಎಸ್ಬಿಸಿ ಟೆನಿಸ್ ಟೂರ್ನಿಯಲ್ಲಿ ಶನಿವಾರ ಚಾಂಪಿಯನ್ ಪಟ್ಟ ಧರಿಸಿದರು. ಫೈನಲ್ ಪಂದ್ಯದಲ್ಲಿ ಸ್ಪೇನ್ನ ಆಟಗಾರ, ಅಮೆರಿಕದ ಟೇಲರ್ ಫ್ರಿಟ್ಜ್ ಎದುರು 6–3, 6–3ರಿಂದ ಗೆದ್ದರು.
ರಫೆಲ್ ಇಲ್ಲಿ ಮೂರನೇ ಬಾರಿ ಪ್ರಶಸ್ತಿ ಒಲಿಸಿಕೊಂಡಿದ್ದಾರೆ. 2005ರಲ್ಲಿ ಮೊದಲ ಬಾರಿ ಗೆದ್ದಿದ್ದ ಅವರು, 2013ರಲ್ಲಿಯೂ ಪಾರಮ್ಯ ಮೆರೆದಿದ್ದರು. ಈ ಆವೃತ್ತಿಯಲ್ಲಿ ಒಂದೂ ಸೆಟ್ ಕಳೆದುಕೊಳ್ಳದೆ ಅವರು ಟ್ರೋಫಿಗೆ ಮುತ್ತಿಕ್ಕಿದರು. ಸೋತರೂ ಫ್ರಿಟ್ಜ್ ಅವರು ಮೊದಲ ಬಾರಿ ಎಟಿಪಿ 500 ಟೂರ್ನಿಯೊಂದರ ಫೈನಲ್ ತಲುಪಿದ ಶ್ರೇಯ ಪಡೆದುಕೊಂಡರು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.