ಬೆಂಗಳೂರು: ಕೊರೊನಾ ವೈರಸ್ ಸೋಂಕು ಹರಡುವುದನ್ನು ತಡೆಗಟ್ಟಲು ನಾವು ಅನುಸರಿಸಬಹುದಾದ ಕ್ರಮಗಳಲ್ಲಿ ಮಾಸ್ಕ್ ಧರಿಸುವುದು ಹಾಗೂ ಅಂತರ ಕಾಯ್ದುಕೊಳ್ಳುವುದು ಬಹಳ ಪ್ರಮುಖ. ಅದರಲ್ಲೂ ಸರಿಯಾಗಿ ಮಾಸ್ಕ್ ಧರಿಸುವುದರ ಬಗ್ಗೆ ಜನರಲ್ಲಿ ಇನ್ನೂ ಜಾಗೃತಿ ಹೆಚ್ಚಬೇಕಿದೆ. ಅದಕ್ಕಾಗಿಯೇ ಟ್ವಿಟರ್ನಲ್ಲಿ 'ಮಾಸ್ಕ್ ಆನ್ ಸ್ಪಿಟ್ ನಾಟ್' (#MaskOnSpitNot) ಅಭಿಯಾನ ನಡೆಯುತ್ತಿದೆ.
'ಮಾಸ್ಕ್ ಧರಿಸಿ...ಅದನ್ನು ಸರಿಯಾಗಿ ಧರಿಸಿ, ಉಗುಳಬೇಡಿ ಹಾಗೂ ವೈರಸ್ ಹರಡಬೇಡಿ' ಎಂಬ ಸಾಲುಗಳ ಜೊತೆಗೆ 'ಮಾಸ್ಕ್ ಆನ್ ಸ್ಪಿಟ್ ನಾಟ್' ಅಭಿಯಾನಕ್ಕೆ ಟ್ವೀಟಿಗರು ಸಜ್ಜಾಗಿದ್ದು, ಬುಧವಾರ (ಅ.21) ಈ ಜಾಗೃತಿ ಅಭಿಯಾನದ ಟ್ವೀಟಥಾನ್ ನಡೆಯಲಿದೆ.
ವಿಡಿಯೊಗಳು, ಸೆಲ್ಫಿ ಮೀಮ್ಗಳು, ಚಿತ್ರಗಳು, ಪೇಯಿಂಟಿಂಗ್ , ಮಾಸ್ಕ್ ಧರಿಸಿರುವ ನಿಮ್ಮ ಹೀರೊ, ರಂಗೋಲಿ ಅಥವಾ ಇಷ್ಟವಾದ ಯಾವುದನ್ನೂ #MaskOnSpitNot ಹ್ಯಾಷ್ಟ್ಯಾಗ್ನೊಂದಿಗೆ ಪ್ರಕಟಿಸಬೇಕು. ಪೋಸ್ಟ್ನೊಂದಿಗೆ ನಮ್ಮ ಬೆಂಗಳೂರು ಫೌಂಡೇಷನ್ ಸೇರಿದಂತೆ ಅಭಿಯಾನದ ಇತರೆ ಆಯೋಜಕರನ್ನು ಟ್ಯಾಗ್ ಮಾಡಬಹುದಾಗಿದೆ. ಮುಖ್ಯವಾಗಿ ಬೆಂಗಳೂರಿಗರನ್ನು ಕೇಂದ್ರೀಕರಿಸಿ ಅಭಿಯಾನ ನಡೆದಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.