ಹುಲಿ ಮರಿ ಜೊತೆ ಚಿಂಪಾಂಜಿ: ವೈರಲ್‌ ಆಯ್ತು ವಿಡಿಯೊ
ಹಸು, ನಾಯಿ, ಬೆಕ್ಕನ್ನು ಪ್ರೀತಿಯಿಂದ ಸಾಕುವವರ ಸಂಖ್ಯೆ ನಮ್ಮಲ್ಲಿ ಹೆಚ್ಚಿದೆ. ಅದನ್ನು ಕಂಡರೆ ಭಯಪಡುವವರೂ ಇದ್ದಾರೆ. ಇದೇ ವಿದೇಶದಲ್ಲಿ ಕೋತಿ, ಚಿಂಪಾಂಜಿ ಸಾಕುವ ಒಂದು ವರ್ಗವೇ ಇದೆ.
ಮನುಷ್ಯನಿಗೆ ಹೊಂದಿಕೊಂಡರೆ ಸಾಕಷ್ಟು ಪ್ರಾಣಿಗಳು ಮನುಷ್ಯರಂತೆಯೇ. ಆದರೂ ಹುಲಿ, ಸಿಂಹ ಎಂದರೆ ಎಲ್ಲರಿಗೂ ಭಯ. ಕೇವಲ ಮನುಷ್ಯರಿಗೆ ಮಾತ್ರವಲ್ಲ, ಪ್ರಾಣಿಗಳು ಕೂಡ ಹುಲಿ, ಸಿಂಹಗಳಂತಹ ಕಾಡುಪ್ರಾಣಿಗಳಿಂದ ಅಂತರ ಕಾಯ್ದುಕೊಳ್ಳುತ್ತವೆ.
ಚಿಂಪಾಂಜಿಯೊಂದು ಹುಲಿ ಮರಿ ಜೊತೆ ಆಟ ಆಡುತ್ತಿರುವ ವಿಡಿಯೊವೀಗ ಅಂತರ್ಜಾಲದಲ್ಲಿ ವೈರಲ್‌ ಆಗಿದೆ. ವಿದೇಶಿ ಮಹಿಳೆಯೊಬ್ಬರು ಮೋಕ್ಷಬೈಬಿ ಟೈಗರ್‌ ಎನ್ನುವ ತಮ್ಮ ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ಹಂಚಿಕೊಂಡು ಈ ವಿಡಿಯೊ ಈಗ ಎಲ್ಲೆಡೆ ಸದ್ದು ಮಾಡುತ್ತಿದೆ.
ಚಿಂಪಾಂಜಿ ಮತ್ತು ಹುಲಿ ಮರಿ ಮುದ್ದಾಗಿ ಆಟ ಆಡುವ ದೃಶ್ಯ ನೆಟ್ಟಿಗರನ್ನು ಆಕರ್ಷಿಸಿದೆ. ಅವರು ಸಾಕಿರುವ ಚಿಂಪಾ ಎರಡು ಹುಲಿಮರಿಗಳ ಜೊತೆ ಸೊಗಸಾಗಿ ಆಟವಾಡುತ್ತಿದೆ. ಸಾಕಷ್ಟು ಜನ ಇದಕ್ಕೆ ಅದ್ಬುತವೆಂದು ಪ್ರತಿಕ್ರಿಯಿಸಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.