ಮಂಗಳ ದೋಷ: ಯಾವ ನಕ್ಷತ್ರದಲ್ಲಿ ಜನಿಸಿದವರು ಈ ದೋಷಕ್ಕೆ ಒಳಗಾಗುತ್ತಾರೆ?

ಮಂಗಳ ದೋಷ ವ್ಯಕ್ತಿಯ ಜಾತಕಕ್ಕೆ ಅನುಸಾರವಾಗಿ ಲಗ್ನದಿಂದ ಬರುವಂತಹದ್ದು. 1, 4, 7, 8 ಮತ್ತು 12ನೇ ಮನೆಯಲ್ಲಿ ಮಂಗಳನಿದ್ದರೆ (ಕುಜ) ಮಂಗಳ ದೋಷ ಎಂದು ಹೇಳಲಾಗುತ್ತದೆ. ಅದೇ ರೀತಿ 7 ಮತ್ತು 8ನೇ ಮನೆಯಲ್ಲಿ ಮಂಗಳನಿದ್ದರೆ, ಅದನ್ನು ಮಂಗಳ ದೋಷದ ತೀವ್ರ ಪರಿಣಾಮ ಎಂದು ಜ್ಯೋತಿಷ್ಯ ಶಾಸ್ತ್ರದಲ್ಲಿ ಪರಿಗಣಿಸಲಾಗಿದೆ.

ಜಾತಕಕ್ಕೆ ಗುರುವಿನ ದೃಷ್ಟಿ ಇದ್ದರೆ, ಮಂಗಳ ದೋಷದ ಪರಿಣಾಮ ಅಷ್ಟಾಗಿ ಇರುವುದಿಲ್ಲ ಎಂದು ಜ್ಯೋತಿಷ್ಯ ತಜ್ಞರು ಹೇಳುತ್ತಾರೆ.

ಮಂಗಳ ದೋಷದ ಪರಿಣಾಮಗಳು: 

• ಮಂಗಳ ದೋಷ ಇರುವವರಿಗೆ ಮದುವೆಯಂತಹ ಶುಭಕಾರ್ಯದಲ್ಲಿ ವಿಳಂಬವಾಗುವುದು. ಮದುವೆಯಲ್ಲಿ ತೊಂದರೆ ಉಂಟಾಗುವುದು. ಸಂಬಂಧಗಳು ಮುರಿದು ಬೀಳುವುದು ಅಥವಾ ಗಂಡ ಹೆಂಡತಿಯಲ್ಲಿ ಹೊಂದಾಣಿಕೆ ಇಲ್ಲದೆ ಇರುವುದು ಹಾಗೂ ಇನ್ನೂ ಮುಂತಾದ ಸಮಸ್ಯೆಗಳು ಉದ್ಭವವಾಗುತ್ತದೆ.

• ಇದಕ್ಕೆ ಪರಿಹಾರವೆಂದರೆ, ಜಾತಕದಲ್ಲಿ ಎಷ್ಟು ಪ್ರಮಾಣದಲ್ಲಿ ಮಂಗಳ ದೋಷವಿದೆ ಎಂದು ಸೂಕ್ತ ಜ್ಯೋತಿಷಿಗಳಿಂದ ತಿಳಿದುಕೊಳ್ಳಬೇಕು. ಕುಂಭ ವಿವಾಹ, ಕದಳಿ ವಿವಾಹ, ಮರು ಮಾಂಗಲ್ಯ ಧಾರಣೆ ಹಾಗೂ ಅಶ್ವತ್ಥ ವಿವಾಹ ಎಂಬ ಹಲವು ಪರಿಹಾರಗಳಿವೆ. 

• ವಧು ವರ ಇಬ್ಬರಲ್ಲೂ ಸಮಾನಾಂತರವಾಗಿ ಮಂಗಳ ದೋಷವಿದ್ದರೆ, ಮಂಗಳ ದೋಷದ ಪರಿಣಾಮ ಬೀರುವುದಿಲ್ಲ ಎಂದು ಹೇಳಲಾಗುತ್ತದೆ.

• ವಿವಾಹಕ್ಕೆ ಮುನ್ನ ವಧು ವರರ ಜಾತಕವನ್ನು ಸರಿಯಾಗಿ ಪರಿಶೀಲನೆ ಮಾಡಿಸುವುದು ಉತ್ತಮ.

ಈ ನಕ್ಷತ್ರಗಳಲ್ಲಿ ಜನಿಸಿದವರಿಗೆ ಮಂಗಳ ದೋಷ ಇರುವುದಿಲ್ಲ: 

ಅಶ್ವಿನಿ, ಮೃಗಶಿರ, ಪುನರ್ವಸು, ಪುಷ್ಯ, ಆಶ್ಲೇಷ, ಉತ್ತರ ಪಲ್ಗುಣಿ, ಸ್ವಾತಿ, ಅನುರಾಧ, ಪೂರ್ವಾಷಾಢ, ಉತ್ತರಾಷಾಢ, ಶ್ರವಣ, ಉತ್ತರಭಾದ್ರ ಹಾಗೂ ರೇವತಿ, ನಕ್ಷತ್ರಗಳಲ್ಲಿ ಜನಸಿದವರಿಗೆ ಕುಜ ದೋಷ ಮಂಗಳ ದೋಷ ಉಂಟಾಗುವುದಿಲ್ಲ ಎಂದು ಜ್ಯೋತಿಷ್ಯದಲ್ಲಿ ಹೇಳಲಾಗುತ್ತದೆ.