ಇ–ವಿಟಾರಾ ತಯಾರಿಕೆ ಇಳಿಕೆ?

ನವದೆಹಲಿ: ಇ–ವಿಟಾರಾ ಕಾರಿನ ತಯಾರಿಕೆಯಲ್ಲಿ ಮರುಹೊಂದಾಣಿಕೆ ಮಾಡುವ ತೀರ್ಮಾನವನ್ನು ಮಾರುತಿ ಸುಜುಕಿ ಕಂಪನಿ ಕೈಗೊಂಡಿದೆ. ರೇರ್ ಅರ್ಥ್‌ ಆಯಸ್ಕಾಂತಗಳ ಕೊರತೆಯು ಈ ತೀರ್ಮಾನಕ್ಕೆ ಕಾರಣ ಎಂದು ಮೂಲಗಳು ಹೇಳಿವೆ.

ಸೆಪ್ಟೆಂಬರ್‌ ವೇಳೆಗೆ ಈ ಮಾದರಿಯ 26 ಸಾವಿರ ಕಾರುಗಳನ್ನು ತಯಾರಿಸುವ ಗುರಿಯನ್ನು ಕಂಪನಿ ಹೊಂದಿತ್ತು. ಆದರೆ ಈಗ ಆ ಗುರಿಯನ್ನು 8 ಸಾವಿರಕ್ಕೆ ಇಳಿಸಲು ಕಂಪನಿ ಆಲೋಚಿಸುತ್ತಿದೆ. ನಂತರದ ದಿನಗಳಲ್ಲಿ ತಯಾರಿಕೆಯನ್ನು ಹೆಚ್ಚಿಸುವ ಇರಾದೆ ಕಂಪನಿಗೆ ಇದೆ.

ಈ ಆರ್ಥಿಕ ವರ್ಷದಲ್ಲಿ ಈ ಮಾದರಿಯ ಒಟ್ಟು 67 ಸಾವಿರ ಕಾರುಗಳನ್ನು ಕಂಪನಿ ತಯಾರಿಸಲಿದೆ ಎಂದು ಮೂಲಗಳು ವಿವರಿಸಿವೆ.