ಹುಬ್ಬಳ್ಳಿ: ದೇಶದ ಪ್ರಮುಖ ವಿಮಾನಯಾನ ಸಂಸ್ಥೆಗಳಲ್ಲಿ ಒಂದಾಗಿರುವ ಸ್ಪೈಸ್ಜೆಟ್, ಉಡಾನ್ ಯೋಜನೆಯಡಿ ಸೋಮವಾರದಿಂದ (ಮೇ 14) ಬೆಂಗಳೂರು, ಮುಂಬೈ, ಹೈದರಾಬಾದ್ ಹಾಗೂ ಚೆನ್ನೈ ನಗರಗಳಿಗೆ ಹುಬ್ಬಳ್ಳಿಯಿಂದ ನೇರ ವಿಮಾನಯಾನ ಸೇವೆ ಒದಗಿಸಲಿದೆ.
ಕಳೆದ ವರ್ಷ ದೆಹಲಿಯಲ್ಲಿ ನಡೆದ ಹರಾಜಿನಲ್ಲಿ ಎರಡನೇ ಹಂತದ ನಗರಗಳಿಗೆ ವಾಯುಯಾನ ಸೌಲಭ್ಯ ಕಲ್ಪಿಸುವುದಕ್ಕೆ ಸ್ಪೈಸ್ಜೆಟ್, ಇಂಡಿಗೊ, ಗೋ ಏರ್ ಸೇರಿದಂತೆ ಹಲವು ಸಂಸ್ಥೆಗಳು ಮುಂದೆ ಬಂದಿದ್ದವು.
ಇಂಡಿಗೊ ಹಾಗೂ ಗೊಡಾವತ್ ವಿಮಾನಯಾನ ಸಂಸ್ಥೆಗಳು ಕೆಲವೇ ದಿನಗಳಲ್ಲಿ ಇತರ ನಗರಗಳಿಗೆ ಸೇವೆ ನೀಡುವುದಾಗಿ ಪ್ರಕಟಿಸಿವೆ. ಸರ್ಕಾರಿ ಸ್ವಾಮ್ಯದ ಏರ್ ಇಂಡಿಯಾ ಸಂಸ್ಥೆ ಹುಬ್ಬಳ್ಳಿ–ಬೆಂಗಳೂರು, ಹುಬ್ಬಳ್ಳಿ–ಮುಂಬೈ ಮಧ್ಯೆ ಈಗಾಗಲೇ ಸೇವೆ ನೀಡುತ್ತಿದೆ.
ಈ ಕುರಿತು ‘ಪ್ರಜಾವಾಣಿ’ಗೆ ಪ್ರತಿಕ್ರಿಯೆ ನೀಡಿದ ಹುಬ್ಬಳ್ಳಿ ವಿಮಾನ ನಿಲ್ದಾಣದ ನಿರ್ದೇಶಕಿ ಅಹಿಲ್ಯಾ ಕಾಕೋಡಿಕರ್, ‘ಸ್ಪೈಸ್ಜೆಟ್ ಸೋಮವಾರದಿಂದ ಪ್ರತಿದಿನ ಸೇವೆ ಆರಂಭಿಸಲಿದೆ. ಅದಕ್ಕಾಗಿ ಆ ಸಂಸ್ಥೆಗೆ ಟಿಕೆಟ್ ಕೌಂಟರ್ ಹಂಚಿಕೆ ಮಾಡಲಾಗಿದೆ’ ಎಂದರು.
ಸ್ಪೈಸ್ಜೆಟ್ ವೇಳಾಪಟ್ಟಿ
* ಹುಬ್ಬಳ್ಳಿ– ಮುಂಬೈ
ಮಧ್ಯಾಹ್ನ 12.25
ಮಧ್ಯಾಹ್ನ 1.35
* ಹುಬ್ಬಳ್ಳಿ – ಹೈದರಾಬಾದ್
ಬೆ. 11.45 ಮ. 12.55
* ಹುಬ್ಬಳ್ಳಿ –ಚೆನ್ನೈ
ಬೆ. 9.25 ಸಂ. 6.25
ಸಂ. 4.25 ರಾ. 10.45
l ಹುಬ್ಬಳ್ಳಿ–ಬೆಂಗಳೂರು
ಬೆ. 9.25 ಬೆ. 10.50
ಸಂ. 4.25 ಸಂ. 5.35
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.