ಇನ್ನೂ ಹಲವು ಏರ್‌ಪೋರ್ಟ್‌ ವಹಿಸಿಕೊಳ್ಳಲು ಅದಾನಿ ಸಮೂಹ ಉತ್ಸಾಹ
Published 22 ಮಾರ್ಚ್ 2023, 10:52 IST
ಹೊಸದಿಲ್ಲಿ: ಅದಾನಿ ಸಮೂಹವು ದೇಶದ ಹಲವು ಏರ್‌ಪೋರ್ಟ್‌ಗಳಿಗೆ ಬಿಡ್‌ ಸಲ್ಲಿಸಲಿದ್ದು, ಆ ಮೂಲಕ ದೇಶದ ಅತೀ ದೊಡ್ಡ ಏರ್‌ಪೋರ್ಟ್‌ ಆಪರೇಟರ್‌ ಆಗುವ ಉದ್ದೇಶ ಹೊಂದಿಗೆ ಎಂದು ಅದಾನಿ ಸಮೂಹದ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಅರುಣ್‌ ಬನ್ಸಾಲ್‌ ಹೇಳಿದ್ದಾರೆ.
ಕಳೆದ ಬಾರಿ ಕೇಂದ್ರ ಸರ್ಕಾರವು ಏರ್‌ಪೋರ್ಟ್‌ಗಳ ಖಾಸಗೀಕರಣ ಮಾಡಿದ್ದಾಗ ಆರು ಏರ್‌ಪೋರ್ಟ್‌ಗಳನ್ನು ಅದಾನಿ ಸಮೂಹ ಬಿಡ್‌ನಲ್ಲಿ ಗೆದ್ದುಕೊಂಡಿತ್ತು.
ಇನ್ನು ಕೆಲ ವರ್ಷಗಳಲ್ಲಿ ಸುಮಾರು 12 ರಷ್ಟು ಏರ್‌ಪೋರ್ಟ್‌ಗಳನ್ನು ಕೇಂದ್ರ ಸರ್ಕಾರವು ಖಾಸಗೀಕರಣ ಮಾಡಲು ಉದ್ದೇಶಿಸಿದ್ದು, ಈ ಬಿಡ್‌ನಲ್ಲಿ ಅದಾನಿ ಸಮೂಹ ಪಾಲ್ಗೊಳ್ಳಲಿದೆ ಎಂದು ಬನ್ಸಾಲ್‌ ಹೇಳಿದ್ದಾರೆ.
ಸದ್ಯ ಮಂಗಳೂರು, ತಿರುವನಂತಪುರಂ ಸಹಿತ ದೇಶದ ಎಂಟು ಏರ್‌ಪೋರ್ಟ್‌ಗಳನ್ನು ಅದಾನಿ ಸಮೂಹಕ್ಕೆ ವಹಿಸಲಾಗಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.