ಬಜಾಜ್‌ ಎಲೆಕ್ಟ್ರಿಕಲ್ಸ್‌ ವರಮಾನ ಹೆಚ್ಚಳ

ನವದೆಹಲಿ: 2024–25ರ ಆರ್ಥಿಕ ವರ್ಷದ ಮಾರ್ಚ್‌ ತ್ರೈಮಾಸಿಕದಲ್ಲಿ ಬಜಾಜ್‌ ಎಲೆಕ್ಟ್ರಿಕಲ್ಸ್‌ ಲಿಮಿಟೆಡ್‌, ₹1,265 ಕೋಟಿ ವರಮಾನ ಗಳಿಸಿದೆ. 

2023–24ರ ಆರ್ಥಿಕ ವರ್ಷದಲ್ಲಿ ₹1,188 ಕೋಟಿ ಗಳಿಸಿತ್ತು. ಈ ವರಮಾನಕ್ಕೆ ಹೋಲಿಸಿದರೆ ಶೇ 6.5ರಷ್ಟು ಏರಿಕೆಯಾಗಿದೆ ಎಂದು ಕಂಪನಿ ಸೋಮವಾರ ಷೇರುಪೇಟೆಗೆ ತಿಳಿಸಿದೆ.

ನಿವ್ವಳ ಲಾಭ ₹59 ಕೋಟಿ ಆಗಿದೆ. ಒಟ್ಟು ವೆಚ್ಚವು ₹1,231 ಕೋಟಿಯಾಗಿದೆ. 

₹2 ಮುಖಬೆಲೆಯ ಪ್ರತಿ ಷೇರಿಗೆ ₹3 ಲಾಭಾಂಶ ನೀಡಲು ಕಂಪನಿ ಆಡಳಿತ ಮಂಡಳಿ ಅನುಮೋದಿಸಿದೆ.