Commercial LPG gas price: ವಾಣಿಜ್ಯ ಬಳಕೆಯ ಸಿಲಿಂಡರ್ ದರ ₹100 ಇಳಿಕೆ

ನವದೆಹಲಿ: ವಾಣಿಜ್ಯ ಬಳಕೆಯ ಸಿಲಿಂಡರ್‌ ದರ ಆಗಸ್ಟ್‌ 1 ರಿಂದ ಜಾರಿಗೆ ಬರುವಂತೆ ₹ 99.75 ಇಳಿಕೆ ಮಾಡಲಾಗಿದೆ.

ದರ ಇಳಿಕೆಯಿಂದಾಗಿ ದೆಹಲಿಯಲ್ಲಿ 19 ಕೆ.ಜಿಯ ಸಿಲಿಂಡರ್‌ ಬೆಲೆ ₹ 1680ಕ್ಕೆ ತಲುಪಿದೆ.

ಕೋಲ್ಕತ್ತ, ಮುಂಬೈ ಹಾಗೂ ಚೆನ್ನೈನಲ್ಲಿ 19 ಕೆ.ಜಿ ಸಿಲಿಂಡರ್‌ ದರ ಕ್ರಮವಾಗಿ ₹ 1,802.50, ₹ 1,640.50, ಹಾಗೂ ₹ 1,852.50ಗೆ ಇಳಿಕೆಯಾಗಿದೆ.

ಪ್ರತಿ ತಿಂಗಳ ಮೊದಲನೆ ದಿನ ಎಲ್‌ಪಿಜಿ ದರ ಪರಿಷ್ಕರಣೆಯಾಗುತ್ತದೆ.

ಏಪ್ರಿಲ್‌ ಹಾಗೂ ಮೇ ತಿಂಗಳಿನಲ್ಲಿ ವಾಣಿಜ್ಯ ಬಳಕೆಯ ಎಲ್‌ಪಿಜಿ ಸಿಲಿಂಡರ್ ದರ ಇಳಿಕೆಯಾಗಿದ್ದರೆ, ಜೂನ್‌ನಲ್ಲಿ ಏರಿಸಲಾಗಿತ್ತು.

ಏತನ್ಮಧ್ಯೆ ಗೃಹಬಳಕೆ ಎಲ್‌ಪಿಜಿ ಸಿಲಿಂಡರ್‌ ದರ ಯಥಾಸ್ಥಿತಿ ಇದೆ.