₹ 84,023 ಕೋಟಿ ತೆರಿಗೆಯೇತರ ವರಮಾನ ಸಂಗ್ರಹ

ನವದೆಹಲಿ: ‘ಪ್ರಸಕ್ತ ಹಣಕಾಸು ವರ್ಷದಲ್ಲಿ ಕೇಂದ್ರ ಸರ್ಕಾರವು ಇಲ್ಲಿಯವರೆಗೆ ₹ 84,023 ಕೋಟಿ ತೆರಿಗೆಯೇತರ ವರಮಾನ ಸಂಗ್ರಹಿಸಿದೆ’ ಎಂದು ಕೇಂದ್ರ ಹಣಕಾಸು ಖಾತೆ ರಾಜ್ಯ ಸಚಿವ ಅನುರಾಗ್‌ ಸಿಂಗ್‌ ಠಾಕೂರ್‌ ತಿಳಿಸಿದ್ದಾರೆ.

ಈ ಕುರಿತು ರಾಜ್ಯಸಭೆಗೆ ಲಿಖಿತ ರೂಪದ ಉತ್ತರ ನೀಡಿದ್ದಾರೆ. ಒಟ್ಟಾರೆ ಕಾರ್ಪೊರೇಟ್‌ ತೆರಿಗೆ ಸಂಗ್ರಹ ₹ 95,533 ಕೊಟಿ ಆಗಿದ್ದು, ಒಟ್ಟಾರೆ ಜಿಎಸ್‌ಟಿ ಸಂಗ್ರಹ ₹ 3.59 ಲಕ್ಷ ಕೋಟಿಗಳಷ್ಟಾಗಿದೆ.

‘ಮಾರುಕಟ್ಟೆಯಿಂದ ಸಂಗ್ರಹಿಸಿರುವ ಮೊತ್ತವು ₹ 7.06 ಲಕ್ಷ ಕೋಟಿಗಳಷ್ಟಾಗಿದೆ. 2020ರ ಜುಲೈ 31ರವರೆಗೆ ಒಟ್ಟಾರೆ ವೆಚ್ಚವು ₹ 10.54 ಲಕ್ಷ ಕೋಟಿಗಳಷ್ಟಾಗಿದೆ’ ಎಂದು ಅವರು ತಿಳಿಸಿದ್ದಾರೆ. ಜುಲೈ 31ರ ಅಂತ್ಯದವರೆಗೆ ಒಟ್ಟಾರೆ ಬಂಡವಾಳ ವೆಚ್ಚವು ₹ 1.11 ಲಕ್ಷ ಕೋಟಿಗಳಷ್ಟಾಗಿದೆ.

ವಿವಾದ್‌ ಸೆ ವಿಶ್ವಾಸ್ ಯೋಜನೆಯಡಿ ₹ 9,538 ಕೋಟಿ ಸಂಗ್ರಹವಾಗಿದೆ.