ವಸತಿ ಮಾರಾಟ ಶೇ 34ರಷ್ಟು ಇಳಿಕೆ ಸಾಧ್ಯತೆ: ಇಂಡಿಯಾ ರೇಟಿಂಗ್ಸ್

ನವದೆಹಲಿ: ಕೋವಿಡ್‌–19 ಸಾಂಕ್ರಾಮಿಕದಿಂದಾಗಿ ಪ್ರಸಕ್ತ ಹಣಕಾಸು ವರ್ಷದಲ್ಲಿ ವಸತಿ ಮಾರಾಟವು ಶೇ 34ರಷ್ಟು ಇಳಿಕೆ ಆಗಲಿದೆ. ಆದರೆ, 2021–22ರಲ್ಲಿ ಬೇಡಿಕೆಯು ಹೆಚ್ಚಾಗುವ ನಿರೀಕ್ಷೆ ಇದೆ ಎಂದು ಇಂಡಿಯಾ ರೇಟಿಂಗ್ಸ್ ಮತ್ತು ರಿಸರ್ಚ್‌ ಸಂಸ್ಥೆ ಹೇಳಿದೆ.

ಒಟ್ಟಾರೆ ಫ್ಲೋರ್‌ ಸ್ಪೇಸ್‌ ಮಾರಾಟವು 2020–21ರಲ್ಲಿ ಶೇ 34ರಷ್ಟು ಇಳಿಕೆ ಆಗಿದ್ದು, 2021-22ರಲ್ಲಿ ಶೇ 30ರಷ್ಟು ಏರಿಕೆ ಆಗುವ ಸಾಧ್ಯತೆ ಇದೆ ಎಂದು ಸಂಸ್ಥೆಯು ಪ್ರಕಟಣೆಯಲ್ಲಿ ತಿಳಿಸಿದೆ.

ಗೃಹ ಸಾಲಗಳ ಮೇಲಿನ ಬಡ್ಡಿದರವು ಕಡಿಮೆ ಮಟ್ಟದಲ್ಲಿ ಇರುವುದರಿಂದ ಕೈಗೆಟುಕುವ ಬೆಲೆಗೆ ಮನೆ ಮಾಲೀಕತ್ವ ಸಿಗುವ ಪ್ರಮಾಣದಲ್ಲಿ ಸುಧಾರಣೆ ಕಾಣುವ ಸಾಧ್ಯತೆ ಇದೆ ಎಂದೂ ಹೇಳಿದೆ.