ಮಾರ್ಚ್‌ 29ರಿಂದ ಮೂರು ದಿನ ಐ.ಟಿ ಕಚೇರಿ ಕಾರ್ಯ ನಿರ್ವಹಣೆ: ಸಿಬಿಡಿಟಿ

ನವದೆಹಲಿ: 2024–25ನೇ ಆರ್ಥಿಕ ವರ್ಷವು ಮಾರ್ಚ್ 31ರಂದು ಮುಕ್ತಾಯವಾಗಲಿದೆ. ಹಾಗಾಗಿ, ತೆರಿಗೆದಾರರಿಗೆ ಅನುಕೂಲ ಕಲ್ಪಿಸಲು ಮಾರ್ಚ್‌ 29ರಿಂದ 31ರ ವರೆಗೆ ದೇಶದಾದ್ಯಂತ ಆದಾಯ ತೆರಿಗೆ ಇಲಾಖೆಯ ಕಚೇರಿಗಳು ಕಾರ್ಯ ನಿರ್ವಹಿಸಲಿವೆ ಎಂದು ಕೇಂದ್ರೀಯ ನೇರ ತೆರಿಗೆಗಳ ಮಂಡಳಿಯು (ಸಿಬಿಡಿಟಿ) ಗುರುವಾರ ತಿಳಿಸಿದೆ. 

ಸೋಮವಾರ ಈದ್–ಉಲ್–ಫಿತರ್ ಹಬ್ಬವಿದೆ. ಆದರೂ, ಕಚೇರಿಗಳು ತೆರೆದಿರಲಿವೆ ಎಂದು ತಿಳಿಸಿದೆ.

‌‌ಸರ್ಕಾರದ ಜೊತೆ ವ್ಯವಹರಿಸುವ ಎಲ್ಲ ಬ್ಯಾಂಕ್‌ಗಳು ಮಾರ್ಚ್‌ 31ರಂದು ಕಾರ್ಯ ನಿರ್ವಹಿಸಬೇಕಿದೆ ಎಂದು ಭಾರತೀಯ ರಿಸರ್ವ್ ಬ್ಯಾಂಕ್ (ಆರ್‌ಬಿಐ) ನಿರ್ದೇಶನ ನೀಡಿದೆ.