ಮುಂಬೈ : ಭಾರತೀಯ ರಿಸರ್ವ್ ಬ್ಯಾಂಕ್, ₹ 10 ಸಾವಿರದ ಮೊತ್ತದವರೆಗೆ ಸರಕು ಮತ್ತು ಸೇವೆಗಳನ್ನು ಖರೀದಿಸಲು ಬಳಸಬಹುದಾದ ಹೊಸ ಪ್ರಿಪೇಯ್ಡ್ ಕಾರ್ಡ್ (ಪ್ರಿಪೇಯ್ಡ್ ಪೇಮೆಂಟ್ ಇನ್ಸ್ಟ್ರುಮೆಂಟ್–ಪಿಪಿಐ) ಪರಿಚಯಿಸಿದೆ.
ಬ್ಯಾಂಕ್ ಖಾತೆಯಿಂದ ಮಾತ್ರ ಈ ಕಾರ್ಡ್ಗೆ ಹಣ ಭರ್ತಿ ಮಾಡಲು ಅವಕಾಶ ಕಲ್ಪಿಸಲಾಗಿದೆ. ಸಣ್ಣ ಮೊತ್ತದ ಡಿಜಿಟಲ್ ವಹಿವಾಟು ಉತ್ತೇಜಿಸುವ ಉದ್ದೇಶಕ್ಕೆ ಈ ಪೂರ್ವಪಾವತಿ ಕಾರ್ಡ್ ಪರಿಚಯಿಸಲಾಗಿದೆ.
ನಾಗರಿಕ ಸೇವೆಗಳ ಬಿಲ್ ಪಾವತಿ, ವ್ಯಾಪಾರಿ ಮಳಿಗೆಗಳಲ್ಲಿನ ಸರಕುಗಳ ಖರೀದಿ ಮತ್ತು ನಾಗರಿಕ ಸೇವೆಗಳ ಶುಲ್ಕ ಪಾವತಿಗೆ ಇದನ್ನು ಬಳಸಬಹುದು. ಈ ‘ಪಿಪಿಐ’, ಕಾರ್ಡ್ ಅಥವಾ ಎಲೆಕ್ಟ್ರಾನಿಕ್ ರೂಪದಲ್ಲಿ ಇರಲಿದೆ. ಕಾರ್ಡ್ಗೆ ತಿಂಗಳಿಗೆ ₹ 10 ಸಾವಿರ ಮಾತ್ರ ಭರ್ತಿ ಮಾಡಲು ಅವಕಾಶ ಇರಲಿದೆ. ಹಣ ವರ್ಗಾವಣೆಗೆ ಇದನ್ನು ಬಳಸುವಂತಿಲ್ಲ.
ಬ್ಯಾಂಕ್ ಮತ್ತು ಬ್ಯಾಂಕೇತರ ಹಣಕಾಸು ಸಂಸ್ಥೆಗಳು, ಗ್ರಾಹಕರಿಂದ ಕನಿಷ್ಠ ಮಾಹಿತಿ ಪಡೆದು ಇಂತಹ ಕಾರ್ಡ್ ವಿತರಿಸಲಿವೆ. ಗ್ರಾಹಕರು ಯಾವುದೇ ಸಂದರ್ಭದಲ್ಲಿ ಈ ಕಾರ್ಡ್ಗಳ ಬಳಕೆ ಸ್ಥಗಿತಗೊಳಿಸಬಹುದು. ಕಾರ್ಡ್ನಲ್ಲಿನ ಹಣವನ್ನು ಬ್ಯಾಂಕ್ ಖಾತೆಗೆ ಮರಳಿಸುವ ಸೌಲಭ್ಯ ಒದಗಿಸಲಾಗಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.