ಟಾಟಾ ಸ್ಟಾರ್‌ಬಕ್ಸ್ ಆದಾಯದಲ್ಲಿ ಶೇ 76ರಷ್ಟು ಏರಿಕೆ: ₹636 ಕೋಟಿ ಗಳಿಕೆ
Published 6 ಜೂನ್ 2022, 2:33 IST
ನವದೆಹಲಿ: ಕಾಫಿ ಉತ್ಪನ್ನಗಳನ್ನು ಮಾರಾಟ ಮಾಡುವ ಟಾಟಾ ಸ್ಟಾರ್‌ಬಕ್ಸ್ ಆದಾಯದಲ್ಲಿ ಕಳೆದ ಹಣಕಾಸು ವರ್ಷದಲ್ಲಿ ಶೇ 76ರಷ್ಟು ಹೆಚ್ಚಳವಾಗಿದೆ ಎಂದು ಕಂಪನಿ ಹೇಳಿದೆ.
ಒಟ್ಟಾರೆ ನಷ್ಟದಲ್ಲಿ ಭಾರಿ ಇಳಿಕೆಯಾಗಿದ್ದು, ಹೊಸ ಮಳಿಗೆ ಮತ್ತು ಉತ್ಪನ್ನಗಳ ಸೇರ್ಪಡೆಯಿಂದ ಹಾಗೂ ಕೋವಿಡ್ ನಿರ್ಬಂಧ ತೆಗೆದುಹಾಕಿರುವುದರಿಂದ ಆದಾಯದಲ್ಲಿ ಹೆಚ್ಚಳ ಕಂಡುಬಂದಿದೆ ಎಂದು ಟಾಟಾ ಕನ್ಸೂಮರ್ ಪ್ರಾಡಕ್ಟ್ಸ್ ಲಿ. ವಾರ್ಷಿಕ ವರದಿಯಲ್ಲಿ ಹೇಳಿದೆ.
2021–22ನೇ ಸಾಲಿನಲ್ಲಿ ಟಾಟಾ ಸ್ಟಾರ್‌ಬಕ್ಸ್ ಎಲ್ಲ ಮಳಿಗೆಗಳಿಂದ ₹636 ಕೋಟಿ ಆದಾಯ ಗಳಿಸಿದೆ ಎಂದು ಕಂಪನಿ ತಿಳಿಸಿದೆ.
ಒಟ್ಟು 26 ನಗರಗಳಲ್ಲಿ 268 ಸ್ಟೋರ್‌ಗಳನ್ನು ಟಾಟಾ ಸ್ಟಾರ್‌ಬಕ್ಸ್ ಹೊಂದಿದೆ. ಕಳೆದ ಹಣಕಾಸು ವರ್ಷವೊಂದರಲ್ಲೇ ದೇಶದ ಪ್ರಮುಖ ತಾಣಗಳಲ್ಲಿ 50 ಹೊಸ ಮಳಿಗೆಗಳನ್ನು ಸ್ಥಾಪಿಸಲಾಗಿದೆ ಎಂದು ಸಂಸ್ಥೆ ಹೇಳಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.