ಜೂಡೊ, ಕುಸ್ತಿ: ರಾಜ್ಯಮಟ್ಟಕ್ಕೆ ಆಯ್ಕೆ

ರಬಕವಿ ಬನಹಟ್ಟಿ: ಇಲ್ಲಿನ ಎಸ್‌ಆರ್‌ಎ ಪದವಿಪೂರ್ವ ಕಾಲೇಜಿನ ವಿದ್ಯಾರ್ಥಿಗಳು ಈಚೆಗೆ ಯಲ್ಲಟ್ಟಿಯ ಕೊಣ‍್ಣೂರ ವಿಜ್ಞಾನ ಪದವಿ ಪೂರ್ವ ಕಾಲೇಜಿನಲ್ಲಿ ನಡೆದ ವಿವಿಧ ವಿಭಾಗಗಳ ಕುಸ್ತಿ ಸ್ಪರ್ಧೆಯಲ್ಲಿ ಪ್ರಥಮ ಸ್ಥಾನ ಪಡೆದು ರಾಜ್ಯಮಟ್ಟಕ್ಕೆ ಆಯ್ಕೆಯಾಗಿದ್ದಾರೆ.

ಗಿರಿಮಲ್ಲಪ್ಪ ಮನ್ನಿಕೇರಿ 55 ಕೆ.ಜಿ ಜೂಡೊ ವಿಭಾಗದಲ್ಲಿ –ಪ್ರಥಮ, ಬಸವರಾಜ ಬೆಳ್ಳಿಗೇರಿ 70 ಕೆ.ಜಿ  ಫ್ರೀ ಸ್ಟೈಲ್ ವಿಭಾಗದಲ್ಲಿ –ಪ್ರಥಮ, ಆನಂದ ತೇಲಿ 97 ಕ್ಕಿಂತ ಹೆಚ್ಚಿನ ತೂಕದ ಮುಕ್ತ ವಿಭಾಗದಲ್ಲಿ– ಪ್ರಥಮ ಸ್ಥಾನ ಹಾಗೂ ಗಂಗಾ ಪಾಟೀಲ 57 ಕೆ.ಜಿ. ಫ್ರೀ ಸ್ಟೈಲ್ ವಿಭಾಗದಲ್ಲಿ –ಪ್ರಥಮ ಸ್ಥಾನ ಪಡೆದು  ರಾಜ್ಯಮಟ್ಟಕ್ಕೆ ಆಯ್ಕೆಯಾಗಿದ್ದಾರೆ. ನಾಗರಾಜ ಪಾಟೀಲ 45 ಕೆ.ಜಿ. ಬೆಲ್ಟ್ ಕುಸ್ತಿ ಪಂದ್ಯದಲ್ಲಿ ದ್ವಿತೀಯ ಸ್ಥಾನ ಪಡೆದಿದ್ದಾರೆ.

ವಿಜೇತ ಕ್ರೀಡಾ ಪಟುಗಳನ್ನು ಪ್ರಾಚಾರ್ಯ ಬಿ.ಆರ್. ಗೊಡ್ಡಾಳೆ, ದೈಹಿಕ ಶಿಕ್ಷಣ ನಿರ್ದೇಶಕ ಶಂಕರ ಸೊಲ್ಲಾಪುರ ಹಾಗೂ ಉಪನ್ಯಾಸಕರು ಅಭಿನಂದಿಸಿದ್ದಾರೆ.