ತೇರದಾಳ | ಯುವಕನ ಅಪಹರಣ: ದೂರು ದಾಖಲು

ತೇರದಾಳ: ತಾಲ್ಲೂಕಿನ ಹನಗಂಡಿ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಯರಗಟ್ಟಿಯ ಲಕ್ಷ್ಮಣ ಬಸಪ್ಪ ಕೊರವ (ಭಜಂತ್ರಿ) (16) ಯುವಕನನ್ನು ಯಾವುದೋ ದುರುದ್ದೇಶದಿಂದ ಅಪಹರಣ ಮಾಡಲಾಗಿದೆ ಎಂದು ಯುವಕನ ತಾಯಿ ರೇಣುಕಾ ಕೊರವ ಸ್ಥಳೀಯ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ.

ಏ. 3ರಂದು ಬೆಳಿಗ್ಗೆ 6 ಗಂಟೆಗೆ ಲಕ್ಷ್ಮಣ ತೇರದಾಳದ ಅಂಬೇಡ್ಕರ್ ವೃತ್ತದಿಂದ ಚಿಕ್ಕೋಡಿ ತಾಲ್ಲೂಕಿನ ನೇಜ ಗ್ರಾಮಕ್ಕೆ ಹೋಗುವಾಗ ಅಪಹರಣ ಮಾಡಿದ್ದಾರೆಂದು ದೂರಿನಲ್ಲಿ ತಿಳಿಸಿದ್ದಾರೆ. ಪಿಎಸ್ಐ ಅಪ್ಪಣ್ಣ ಐಗಳಿ ತನಿಖೆ ಕೈಗೊಂಡಿದ್ದಾರೆ.