ಪ್ರತಿರೋಧಕ್ಕೂ ಜಗ್ಗದ ಕೊಳವೆ ಸದ್ದು

ಶಿವಮೊಗ್ಗ: ಪರಿಸರವಾದಿಗಳ ತೀವ್ರ ವಿರೋಧವನ್ನೂ ಲೆಕ್ಕಿಸದೆ ಮಳೆಯ ಮಧ್ಯೆಯೇಶರಾವತಿ ಭೂಗರ್ಭ ಜಲವಿದ್ಯುತ್ ಯೋಜನೆಯ ಸಮೀಕ್ಷೆ ಕಾರ್ಯಭರದಿಂದ ಸಾಗಿದೆ.

ಕೊರೊನಾ ಕಾರಣಕ್ಕಾಗಿ ವಿವಿಧ ಪರಿಸರ ಸಂಘಟನೆಯವರುಗುಂಪುಗೂಡಿ ಪ್ರತಿಭಟನೆ ನಡೆಸಲು ಹಿಂದೇಟು ಹಾಕುತ್ತಿದ್ದಾರೆ. ಅದಕ್ಕಾಗಿ ಪತ್ರ ಚಳವಳಿ, ಸರ್ಕಾರಕ್ಕೆ ಮನವಿ ಸಲ್ಲಿಕೆ, ಸಾಮಾಜಿಕ ಜಾಲತಾಣಗಳ ಮೂಲಕ ಜನಜಾಗೃತಿ ಮೂಡಿಸುತ್ತಿದ್ದಾರೆ. ಭೌತಿಕ ಪ್ರತಿರೋಧ ಇಲ್ಲದ ಕಾರಣಕ್ಕೆ ತಡೆ ಇಲ್ಲದೇ ಸಮೀಕ್ಷಾ ಕಾರ್ಯ ಮುಂದುವರಿದಿದೆ.

ಲಾರಿಗಳು ಆಯಕಟ್ಟಿನಜಾಗಗಳಲ್ಲಿ ಯಂತ್ರಗಳನ್ನು ಇಳಿಸಿವೆ. ಕಾರ್ಮಿಕರು ದಟ್ಟ ಕಾನನದ ಒಳಗೆ ಯಂತ್ರಗಳನ್ನು ಹೊತ್ತು ಸಾಗುತ್ತಿದ್ದಾರೆ.ಶರಾವತಿ ನದಿ ಕೊಳ್ಳದ ಸೂಕ್ಷ್ಮ ಜೀವ ಪರಿಸರದ ಸಿಂಗಳೀಕ ಸಂರಕ್ಷಣಾ ವಲಯದಲ್ಲೂ ಭೂಗರ್ಭದಲ್ಲಿ ಅರ್ಧ ಕಿ.ಮೀ. ರಂಧ್ರಗಳನ್ನು ಕೊರೆಯಲಾಗುತ್ತಿದೆ. ಯಂತ್ರಗಳ ಸದ್ದಿಗೆ ಪ್ರಾಣಿ, ಪಕ್ಷಿಗಳು ಬೆಚ್ಚಿವೆ.

ಜೋಗ ಜಲಪಾತದ ಸಮೀಪ ದಟ್ಟ ಅರಣ್ಯದ ತಲಕಳಲೆ, ಗೇರುಸೊಪ್ಪಜಲಾಶಯಗಳ ಮಧ್ಯೆ800 ಎಕರೆ ಅರಣ್ಯ ಪ್ರದೇಶದಲ್ಲಿ ನೆಲಮಟ್ಟದಿಂದ ಸುಮಾರು 300 ಅಡಿ ಆಳದಲ್ಲಿ ₹ 6ಸಾವಿರ ಕೋಟಿ ವೆಚ್ಚದ ಜಲ ವಿದ್ಯುದಾಗಾರ ನಿರ್ಮಾಣಕ್ಕಾಗಿಸಮೀಕ್ಷೆನಡೆಯುತ್ತಿದೆ. ಪ್ರಸ್ತುತ ಮಣ್ಣಿನ ಪರೀಕ್ಷೆ ಕಾರ್ಯ ಕೈಗೊಳ್ಳಲಾಗಿದೆ.

ವಿದೇಶದಲ್ಲಿ ಹುಲಿಯೊಂದಕ್ಕೆ ಕೊರೊನಾ ಸೋಂಕು ದೃಢಪಟ್ಟ ನಂತರ ಕೇಂದ್ರ ಅರಣ್ಯ ಮತ್ತು ಪರಿಸರ ಇಲಾಖೆ ಮೃಗಾಲಯ, ಅರಣ್ಯ ಪ್ರದೇಶದ ಒಳಗೆ ಸುರಕ್ಷತಾ ಕ್ರಮ ಕೈಗೊಳ್ಳಲು ಸೂಚಿಸಿದೆ. ಅನಗತ್ಯವಾಗಿ ಮಾನವರು ಅರಣ್ಯ ಪ್ರವೇಶಿಸದಂತೆ ತಡೆಯಲುರಾಜ್ಯ ಸರ್ಕಾರಗಳಿಗೆ ಸೂಚಿಸಿದೆ. ಶರಾವತಿ ಕೊಳ್ಳ ಹುಲಿ ಸಂರಕ್ಷಿತ ಅಭಯಾರಣ್ಯ. ಇಂತಹಪ್ರದೇಶದಲ್ಲಿಕಾರ್ಮಿಕರಿಗೆ ಅರಣ್ಯಪ್ರವೇಶಿಸಲು ಅರಣ್ಯ ಇಲಾಖೆಯೇ ಅನುಮತಿ ನೀಡಿರುವುದು ಆತಂಕ ಮೂಡಿಸಿದೆ.

*
ಪ್ರಾಣಿಗಳ ಹಿತ ದೃಷ್ಟಿಯಿಂದ ನಾವು ಅರಣ್ಯ ಪ್ರವೇಶಿಸಿಲ್ಲ. ಇದನ್ನು ಸರ್ಕಾರ ಹೋರಾಟಗಾರರ ದೌರ್ಬಲ್ಯ ಎಂದು ಪರಿಗಣಿಸಬಾರದು
–ಅಖಿಲೇಶ್ ಚಿಪ್ಪಳಿ, ಪರಿಸರ ಹೋರಾಟಗಾರ