ಬೆಂಗಳೂರು ವಿಶ್ವವಿದ್ಯಾಲಯ | ಎಂಬಿಎ ಉಳಿಕೆ ಸೀಟು; ಅರ್ಜಿ ಆಹ್ವಾನ

ಬೆಂಗಳೂರು: ಬೆಂಗಳೂರು ನಗರ ವಿಶ್ವವಿದ್ಯಾಲಯವು 2024-25ನೇ ಶೈಕ್ಷಣಿಕ ಸಾಲಿನಲ್ಲಿ ಪ್ರವೇಶ ಬಾಕಿ ಉಳಿದಿರುವ ಎಂಬಿಎ ಕೋರ್ಸ್‌ಗಳ ಭರ್ತಿಗೆ ಅರ್ಜಿ ಆಹ್ವಾನಿಸಿದೆ.

ಕರ್ನಾಟಕ ಪರೀಕ್ಷಾ ಪ್ರಾಧಿಕಾರದ -ಪಿಜಿ ಸಿಇಟಿ ಮೂಲಕ ನಡೆದ ಸೀಟು ಹಂಚಿಕೆ ಬಳಿಕ ಉಳಿಕೆ ಸೀಟುಗಳನ್ನು ಸರ್ಕಾರ ವಿಶ್ವವಿದ್ಯಾಲಯಕ್ಕೆ ನೀಡಿದೆ. ಆ ಸೀಟುಗಳ ಭರ್ತಿಗೆ ಅವಕಾಶ ನೀಡಿದೆ.

ಅಭ್ಯರ್ಥಿಗಳು ಹಗಲು ಮತ್ತು ಸಂಜೆ ತರಗತಿಗಳ ಎರಡೂ ಬಗೆಯ ಕೋರ್ಸುಗಳಿಗೂ ಅರ್ಜಿ ಸಲ್ಲಿಸಬಹುದು.

ಶುಲ್ಕರಹಿತವಾಗಿ ಅರ್ಜಿ ಸಲ್ಲಿಸುವ ಅವಧಿ ಮುಗಿದೆ. ₹200 ದಂಡ ಶುಲ್ಕದೊಂದಿಗೆ ಜ.9ರೊಳಗೆ ಅರ್ಜಿ ಸಲ್ಲಿಸಬಹುದು. ಅರ್ಜಿಯನ್ನು http:/UUCMS.karnataka.gov.in/login/online statement ಮೂಲಕ ಸಲ್ಲಿಸಬಹುದು.

ಜ.13ರಂದು ಜೇಷ್ಠತಾ ಪಟ್ಟಿ ಪ್ರಕಟಿಸಲಾಗುವುದು. ಜ.15ರಿಂದ ಕೌನ್ಸೆಲಿಂಗ್‌ ನಡೆಯಲಿದೆ ಎಂದು ವಿಶ್ವವಿದ್ಯಾಲಯದ ಪ್ರಕಟಣೆ ತಿಳಿಸಿದೆ.