ವಿದ್ಯಾರ್ಥಿ ಪಾಸ್ ಅವಧಿ ಜುಲೈ 8ರವರೆಗೆ ವಿಸ್ತರಣೆ

ಬೆಂಗಳೂರು: 2018–19ನೇ ಸಾಲಿನ ವಿದ್ಯಾರ್ಥಿ ಬಸ್‌ ಪಾಸ್‌ ಮಾನ್ಯತೆಯ ಅವಧಿಯನ್ನು ಬಿಎಂಟಿಸಿ ಇದೇ 8ರವರೆಗೆ ವಿಸ್ತರಿಸಿದೆ. ಹೊಸ ಪಾಸ್ ಪಡೆಯದ ವಿದ್ಯಾರ್ಥಿಗಳು ಇನ್ನೂ ಏಳು ದಿನ ಹಳೇ ಪಾಸ್‌ ತೋರಿಸಿ ಉಚಿತವಾಗಿ ಪ್ರಯಾಣಿಸಬಹುದು.

15 ಬಸ್ ನಿಲ್ದಾಣಗಳ 50 ಕೌಂಟರ್‌ಗಳಲ್ಲಿ ಜೂನ್‌ 17ರಿಂದ ಪಾಸ್ ವಿತರಣೆ ಮಾಡಲಾಗುತ್ತಿದೆ. 76,700 ಅರ್ಜಿಗಳು ಬಂದಿದ್ದು, 21,600 ಪಾಸ್‌ಗಳನ್ನು ವಿತರಿಸಲಾಗಿದೆ.

ಪಾಸ್ ಪಡೆಯುವ ತನಕ ವಿದ್ಯಾರ್ಥಿಗಳಿಗೆ ಅನಾನುಕೂಲ ಆಗದಂತೆ ಹಳೇ ಪಾಸ್ ಅವಧಿ ವಿಸ್ತರಿಸಲಾಗಿದೆ. ವಿದ್ಯಾರ್ಥಿಗಳು ವಿಳಂಬ ಮಾಡದೆ ಹೊಸ ಪಾಸ್ ಪಡೆದುಕೊಳ್ಳಬೇಕು ಎಂದು ಬಿಎಂಟಿಸಿ ಮನವಿ ಮಾಡಿದೆ.