ಮೇ 3ಕ್ಕೆ ‘ಶುಭಸ್ಯ ಶೀಘ್ರಂ’ ಕಾರ್ಯಕ್ರಮ

ಬೆಂಗಳೂರು: ನಗರದ ಬಸವನಗುಡಿಯ ಗಾಯನ ಸಮಾಜದಲ್ಲಿ ಮೇ 3 ಮತ್ತು 4ರಂದು ‘ಶುಭಸ್ಯ ಶೀಘ್ರಂ’ ಹೆಸರಿನಲ್ಲಿ ಹಿಂದೂ ವಧು–ವರಾನ್ವೇಷಣಾ ಕಾರ್ಯಕ್ರಮ ಆಯೋಜಿಸಲಾಗಿದೆ ಎಂದು ಫ್ಯೂಸ್ ನೆಟವರ್ಕ್ ಸಿಇಒ ಜಿ.ಸ್ವಾಮೀಜಿ ಹೇಳಿದರು.

ಹಿಂದೂ ಧರ್ಮದ ವಧು–ವರರಿಗೆ ಸೂಕ್ತ ಸಂಗಾತಿ ಆಯ್ಕೆಗೆ ಅನುವು ಮಾಡಿಕೊಡಲಾಗುವುದು. ಅಂತರ್ಜಾತಿ ವಿವಾಹದ ಆಸಕ್ತಿ ಹೊಂದಿರುವವರಿಗೆ ವಿಶೇಷ ವಿಭಾಗ ತೆರೆಯಲಾಗಿದೆ. ಕುಟುಂಬದವರು ಹಾಗೂ ಹಿರಿಯರ ಸಮ್ಮುಖದಲ್ಲಿ ವಧು–ವರರು ನೇರ ಸಂವಾದ ನಡೆಸಿ, ಸಂಗಾತಿ ಆಯ್ಕೆ ಮಾಡಿಕೊಳ್ಳಬಹುದು ಎಂದು ಶುಕ್ರವಾರ ಸುದ್ದಿಗೋಷ್ಠಿಯಲ್ಲಿ ತಿಳಿಸಿದರು.

ಪ್ರವೇಶ ಶುಲ್ಕ ವಧುವಿಗೆ ₹1,000 ಹಾಗೂ ವರನಿಗೆ ₹2,000 ನಿಗದಿ ಪಡಿಸಲಾಗಿದೆ. ಕೃಷಿಕ ಕುಟುಂಬದ ವಧುಗಳಿಗೆ ಮತ್ತು ಬಡತನ ರೇಖೆಗಿಂತ ಕೆಳಗಿರುವ ಕುಟುಂಬದವರಿಗೆ ಉಚಿತ ಪ್ರವೇಶ ಇದೆ. ಮೇ 1ರೊಳಗೆ ಹೆಸರು ನೋಂದಾಯಿಸಬಹುದು. ಮಾಹಿತಿಗೆ 9108853377 ಸಂಪರ್ಕಿಸಬಹುದು ಎಂದು ಹೇಳಿದರು.