Video | ಎಲೆಕ್ಟ್ರಾನಿಕ್ ಸಿಟಿಗೆ ಮೆಟ್ರೊ ರೈಲು: ಫಸ್ಟ್ ಡೇ ಪ್ರಯಾಣದ ಸಡಗರ

ಬಹುನಿರೀಕ್ಷಿತ ಹಳದಿ ಮಾರ್ಗದಲ್ಲಿ ಮಂಗಳವಾರ ಮೆಟ್ರೊ ರೈಲುಗಳು ವಾಣಿಜ್ಯ ಸಂಚಾರ ಆರಂಭಿಸಿದವು. ಹಲವು ವರ್ಷಗಳಿಂದ ಕಾಯುತ್ತಿದ್ದ ಗಳಿಗೆಗೆ ಈ ಭಾಗದ ಜನ ಸಾಕ್ಷಿಯಾದರು. ಸಂಚಾರ ದಟ್ಟಣೆಯಿಂದ ರೋಸಿ ಹೋಗಿದ್ದವರು, Yellow Line ಮೆಟ್ರೊದಲ್ಲಿ ಓಡಾಡಿ ನಿರಾಳರಾದರು. ಆದರೆ, ಕೇವಲ ಮೂರೇ ರೈಲುಗಳು ಕಾರ್ಯಾಚರಣೆಯಲ್ಲಿ ಇದ್ದಿದ್ದರಿಂದ ಸುಮಾರು 25 ನಿಮಿಷಕ್ಕೊಂದು ರೈಲು ಬರುತ್ತಿದ್ದುದು ಪ್ರಯಾಣಿಕರಿಗೆ ಬೇಸರ ತರಿಸಿತ್ತು. ಅಲ್ಲದೆ, ಇದರಿಂದ, ಆರ್.ವಿ. ರೋಡ್‌ ಮತ್ತು ಬೊಮ್ಮಸಂದ್ರ ನಿಲ್ದಾಣಗಳಲ್ಲಿ ಜನದಟ್ಟಣೆಯೂ ಹೆಚ್ಚಿತ್ತು.